«Qazgıdromet» Shyǵys Qazaqstan oblysynda aýa temperatýrasy joǵarylap, jaýyn-shashyn túsýine baılanysty dabyldy eskertý jarıalady dep jazady Qamshy.kz aqparat agenttigi.
«18-19 naýryz aralyǵynda Shyǵys Qazaqstan oblysynyń alasa taýly aımaǵynda aýa temperatýrasy joǵarylap, jaýyn-shashyn túsedi dep boljanýyna baılanysty jergilikti jáne betkeılik aǵyn paıda bolyp, sý deńgeıi kóterilýi múmkin», — dep jazylǵan QR İİM tótenshe jaǵdaılar komıtetiniń saıtynda.
Al búgin sınoptıkterdiń boljaýynsha atmosferalyq fronttardyń ótýine baılanysty Qazaqstannyń basym bóliginde aýa-raıy qubylmaly bolady, keı jerlerinde jaýyn jaýady. Tek respýblıkanyń ońtústiginde kún ashyq. Keı jerlerinde tuman túsip, kóktaıǵaqbolady, jel kúsheıip, jaıaý burqasyn soǵady.
