Álemde asharshylyqta kún keship júrgen adamdardyń qatary kún sanap artýda. 2017 jyly 124 mln adam ashtyqtan zardap shekken. Bul kórsetkish 2016 jylmen salystyrǵanda 11 mıllıonǵa artqan.  Bul jaıynda BUU baspasóz qyzmetinde 22 naýryzda esep berý barysynda  habarlandy.

Baıandamada aıtylǵandaı, ashtyqtyń sebebi — qaqtyǵys, qolaısyz aýa raıy  jáne negizgi azyq-túlik taýarlaryna baǵanyń ósýi.

Qarýly qaqtyǵystar 18 eldi ashtyqqa ákeldi, onyń 15-i Afrıka men Taıaý Shyǵysta ornalasqan.

Al aýa raıynyń qolaısyzdyǵy, onyń ishinde qurǵaqshylyq 23 eldiń jaǵdaıyn nasharlatty. Onyń úsheýi Afrıka aımaǵynda ornalasqan.

—  Mánma, soltústik-shyǵys Nıgerıa, Kongo Demokratıalyq Respýblıkasy, Ońtústik Sýdan jáne Iemendegi qaqtyǵystar saldarynan ashtyqqa ushyraǵan adamdardyń sany artyp otyr.   Al qurǵaqshylyq shyǵys jáne ońtústik Afrıka halqynyń jaǵdaıyn aýyrlatyp otyr, - delingen habarlamada.

2018 jyly qaqtyǵys Aýǵanstan, Ortalyq Afrıka Respýblıkasy, Kongo Demokratıalyq Respýblıkasy, Nıgerıa, Ońtústik Sýdan, Sırıa, Lıvıa, Malı jáne Nıgerde  azyq-túlik daǵdarystaryna ákelýi múmkin.

Qurǵaq aýa raıy Somalı, Efıopıa, Kenıa jáne Batys Afrıkada, sonymen qatar Senegal, Chad, Nıger, Malı, Mavrıtanıa jáne Býrkına-Faso sıaqty aýyldyq jerlerde ashtyqqa ákelýi múmkin.

Búgingi tańda Iemende azyq-túlik daǵdarysy beleń alǵan. Joba boıynsha eldegi jaǵdaı qıyndaı beredi.