SHQO-da Óskemennen Semeıge baratyn tas joldy sý aldy. Glýbokoe aýdanynda eki ózen arnasynan asyp ketken. Oblys ortalyǵynda 75 aýla sý astynda qalǵan, dep jazady Qamshy.kz aqparat agenttigi.
SHQO Tótenshe jaǵdaılar departamentiniń habarlaýynsha, Glýbokoe aýdanyndaǵy Progres aýylynda 25 turǵyn, 10 iri qara men 20 usaq mal qaýipsiz jerge kóshirildi. Adamdar aýyl mektebine jáne týystarynyń úılerine ornalastyryldy.
Osy aýdandaǵy Tarhanka aýylynda aýdandyq TJD qyzmetkerleri jergilikti atqarýshy organdarmen birlese otyryp, aýyldy aman alyp qalýǵa jantalasyp jatyr. Munda eki ózen erneýinen asyp ketken.
Al Óskemen – Semeı tas jolynyń 29-shaqyrymynda shamamen 50 metrdeı jol tósemin sý alǵan. Oqıǵa ornynda jol jóndeý kásiporny jumys isteýde.
Óskemen qalasynda 32 úı men 75 aýla sý astynda qalǵan.
Daǵdarys ortalyǵynda qutqarýshy bólimshelerdiń jumysyn jedel shtab úılestirip otyr.
«Sý tasqyny boıynsha «112» jáne «138» telefondary arqyly habar berýge bolady. Sondaı-aq qujattardy, qajetti zattardy jáne azyq-túlikti daıyndap qoıyńyzdar. Sý úıge jaqyndaǵan jaǵdaıda elektr energıasyn óshirip, qaýipsiz jerde kómek kútýge keńes beremiz», – delingen SHQO TJD taratqan habarlamada.
