«Nur Otan» partıasy Taldyqorǵan qalalyq fılıalynyń  uıymdastyrýymen  qalalyq máslıhattaǵy «Nur Otan» depýtattyq fraksıasynyń kezekti otyrysy ótti. Elbasy N.Nazarbaevtyń halyqqa arnaǵan Joldaýy men  5 áleýmettik bastamany júzege asyrý  men oryndaý barysy kún tártibine qoıyldy.Qaladaǵy joǵary, arnaıy oqý oryndaryndaǵy kásiptik mamandardy daıyndaý,  jataqhana máselesi  jaýapty mamandardyń esebi tyńdaldy.

Sondaı-aq, «Nurly jol», «Nurly jer» memlekettik  baǵdarlamalardyń júzege asyrylýy týrasynda qalalyq qurylys ókilderi baıandady.

Jalpy, Taldyqorǵanda «Nurly jer» baǵdarlamasy aıasynda kópqabatty 11 úı paıdalanýǵa beriledi. Aýmaǵy 83 myń sharshy metr baspananyń qurylysy shahardyń ońtústik-batys jáne shyǵys aýdandarynda júrip jatyr. 2017 jyldyń ózinde atalǵan baǵdarlama boıynsha 336  páterli eki úı paıdalanýǵa  berildi. 55 páterli komýnaldyq jáne 3 nesıelik úı qoldanysqa ótti.

Kezek sanyn azaıtýǵa jańa kotej qalashyǵynyń da sebi tımek. Onyń ınfraqurylymy tartylyp, jeri daıyn tur. Bas-aıaǵy  607 úı salynady.