«Rýhanı jańǵyrý» baǵdarlamasy aıasynda Almaty oblysynyń Mádenıet,arhıvter jáne qujattama basqarmasynyń bastamasymen M.Tynyshpaev atyndaǵy   oblystyq tarıhı-ólketaný mýzeıinde  «Qaýyshý» merekesi  uıymdastyryldy.

M.Tynyshpaev atyndaǵy  tarıhı-ólketaný mýzeıi, Kórkemsýret galereıasy jáne Tarıhı-mádenı murany qorǵaý jónindegi oblystyq ortalyǵynyń birlesken sharasy Naýryz merekesi qarsańynda uıymdastyrylyp, tatýlyq pen turaqtylyqty, baýyrmaldyq pen qamqorlyqty pash etti.

Uıymdastyrýshylardyń aıtýynsha, bul  mereke  halqymyzdyń kóne salt-dástúri men ádet-ǵuryptaryn qaıta jańǵyrtý, túletý bolyp otyr. Qaýyshý dástúriniń halyq arasynda keń taralyp, nasıhattalýyn maqsat tutqan oblystyq mádenıet mekemeleri osy merekelik is-shara aıasynda qazaq halqynyń  salt-dástúrin kórsetti.

 Shara barysynda úlkender aq  bata berdi. Oblystyq mamandandyrylǵan balalar úıinde  tárbıelenýshi  eki ul jáne bir qyz balanyń tusaýy kesildi.

Merekege oraı «Ár zamandaǵy túrli halyqtardyń ydystary» atty kórmesiniń ashyldy. Sondaı-aq oblystyq Kórkemsýret galereıasy qorynan ákelingen  sýret jaýharlary da kórme ajaryn  tolyqtyrdy.