Shyǵys Qazaqstan oblysynyń Zyrán aýdanyna sary qar jaýdy dep jazady Qamshy.kz aqparat agenttigi sputniknews.kz silteme jasaı otyryp. Jergilikti turǵyndar áleýmettik jelide qardyń sýretin jarıalady. Keıbireýler buǵan komýnaldyq qyzmetterdiń kóshege sebetin tuz ben qum aralas qospasy sebep bolýy múmkin ekenin aıtyp jatyr.
«Biz mundaı qospa jasamaımyz, onyń ústine sary qar qalaǵa ǵana emes, taıaý mańdaǵy aýyldarǵa da jaýdy», — deıdi komýnaldyq kásiporynnyń dırektory Sergeı Smırnov.
Qoǵamdyq densaýlyqty saqtaý basqarmasynyń mamandary qardyń nelikten sary túske boıalǵanyn oblys ortalyǵyndaǵy zerthanada anyqtaýǵa bolatynyn aıtqan.
Ótken jumada sary tústi qar Reseıdiń Sochı qalasyna jaýdy. Mamandar muny soltústik Afrıkadaǵy shańdy daýylmen baılanystyrdy. Qum tústes qar Ýkraınanyń Izmaıl qalasyna da jaýǵan.
Qazaqstandaǵy erekshe qardyń osy jaǵdaılarmen baılanys bar-joǵy ázirge belgisiz.
