Elimizde múgedektikti jáne eńbek qabilettiliginen aıyrylý deńgeıin belgileý prosedýrasy jeńildetilmek, dep habarlaıdy 24.kz-ke silteme berip Qamshy.kz aqparat agenttigi.
Jasyna baılanysty zeınetaqy taǵaıyndaý, bazalyq zeınetaqy men biryńǵaı jınaqtaýshy zeınetaqy qorynyń tólemderi boıynsha qujattardy qabyldaý «bir ótinish» qaǵıdasymen júzege asyrylady. Sondaı-aq ózin-ózi jumyspen qamtyǵan azamattardy memlekettik kirister organyna tirkeý men eńbek sharttaryn esepke alý júıesine endirý isi de birshama jeńildeıdi. Sonymen qatar múgedektikti belgileý, járdemaqylardy taǵaıyndaý jáne eńbek etý qabiletinen aıyrylǵan jaǵdaıda áleýmettik tólem alý úshin turǵyndar jan-jaqqa sabylmaı tek bir uıymǵa júginedi. Keleshekte bul ótinishter elektrondy túrde Egov arqyly qabyldanatyn bolady.
– Medısınalyq-áleýmettik saraptama qyzmetin qaıta qurylymdaýdyń jańa jobasy ázirlenip jatyr. Qanatqaqty jobany júzege asyratyn óńirler anyqtaldy. Jańa konsepsıa múgedektik pen eńbekke jaramdylyq deńgeıin anyqtaý qyzmetteriniń sapasy men qoljetimdiligin arttyrady. Áleýmettik qorǵaýdaǵy tulǵanyń qajettiligin naqty anyqtaý jáne sybaılas jemqorlyqty boldyrmaýǵa da septigin tıgizedi, - deıdi Kóshi-qon komıtetiniń oblystyq departament basshysynyń orynbasary Janar Nurbek.
