Batys Qazaqstan oblysynda aýa raıy kúrt ózgerip, aınala muz bolyp qatyp, jas aqbókender qar astynan qoregin qazyp ala almaı qyrylyp jatyr, dep habarlaıdy Qamshy.kz aqparat agenttigi "Moı gorodqa" silteme jasap.
Orman sharýashylyǵy men janýarlar álemi aımaqtyq ınspeksıasynyń qyzmetkerleri 21-22 naýryzda Aqjaıyq aýdany Chapaevo aýyly tóńireginde aqbókenderge qolaısyz ahýal týyndaǵanyn aıtady.
"Kún kúrt jylynyp, keıin qaıta aıaz túsken soń, aınala muz bolyp qatyp, jas aqbókender qar astynan qoregin qazyp ala almaıdy. Sonyń saldarynan eki kún ishinde jeti bas aqbóken qyrylǵan", — dedi oblystyń orman sharýashylyǵy jáne janýarlar álemi aımaqtyq ınspeksıasynyń basshysy Qaırat Qateshev.
Ormanshylar janýarlarǵa shóp berip kórgenimen, aqbókender jaqyndamaıdy eken.
"Sonymen birge qamysqa qaraı bastaıtyn soqpaq salyndy, áli quryp ashyqqan aqbókender jaıylymdarǵa jetip, sol jerde qorektenip júr", — dedi ınspeksıa basshysy.
