Almaty oblysynyń agrarlyq jáne ónerkásiptik áleýeti tek aýyl sharýashylyǵyn júrgizýmen qatar, agrotýrızmdi damytýǵa múmkindik beredi. Mamandardyń pikirinshe, týrızmniń bul túriniń bolashaǵy zor, alaıda damytýmen eshkim túbegeıli aınalyspaıdy.
Osyǵan baılanysty jaqynda Taldyqorǵan qalasynda «AISER» jáne «GREEN VILLA HOTEL» qonaq úıleri kesheninde ornalastyrý oryndary ókilderininiń sheberligin arttyrý jáne agrarlyq týrızmdi uıymdastyrý boıynsha master-klass ótti. Sheberlik saǵatyna qonaq úı men aýyl sharýashylyǵy bıznesiniń 50 jetekshisi men qyzmetkerleri qatysty. Almaty oblysy Kásipkerler palatasynyń dırektory Narıman Ábilshaıyqov týrızmniń damýy salada mamandarynyń kásibı biliktiligin joǵarylatýymen tikeleı baılanysty ekenin atap ótti.
Týrızm basqarmasynda kásipkerlerdi agrarlyq týrızmge kóńil bólip, sharýashylyq nysandaryn týrıserge tartymdy etýge shaqyrdy.
«Qazirgi álemde adamdardy aýyldar, ondaǵy tabıǵat men aýyl sharýashylyǵy kásipkerligi qatty qyzyqtyrady. Týrıserdiń yntasy men suranysy joǵary. Osyǵan baılanysty aýyl kásipkerleri tıisti jaǵdaı men qyzmet kórsetýdi engizýi mańyzdy», - deıdi oblystyq týrızm basqarmasy janyndaǵy Týrızm jáne aqparattyq qyzmetter ortalyǵynyń keńesshisi Vera Ejıkova.
Jalpy batys elderinde agrotýrızm ótken ǵasyrdyń 70 jyldarynda paıda boldy. Statısıka boıynsha Fransıada árbir úshin týrıs - aýyl sharýashylyǵy týrısi, Ulybrıtanıada bul kórsetkish 10%-ti quraıdy. Al Germanıada aýyl sharýashylyǵy týrızminiń úlesi 4-5%.
«Qazaqstannyń barlyq óńirlerinde agrotýrızmdi damytýǵa bolady. Árbir oblysta ózgeshe tabıǵat jáne aýyl sharýashylyǵy qyzmeti erekshe. Sońǵy ýaqytta týrıser sıyr saýý, shóp shabý, kartop egý syndy demalystyń belsendi túrlerin tańdaıdy. Sonymen birge, olarǵa aýyl sharýashylyǵy ónimderin shyǵarý prosesi jáne oǵan qatysý úrdisi qyzyq. Almaty oblysy bul múmkindikterdiń barlyǵyn usyna alady», - deıdi ál-Farabı atyndaǵy QazUÝ týrızm kafedrasynyń dosenti, halyqaralyq koýcher Álıa Aqtymbaeva.
Eskeldi aýdanyndaǵy sharýa qojalyǵynyń jetekshisi Raýshan Jaqupbaeva úshin agrarlyq týrızm taqyryby tyń jáne ózekti bolyp tabylady.
«Biz jıyrma jyldaı mal jáne ósimdik sharýashylyǵymen aınalysyp kelemiz. Biraq eshqashanda sharýa qojalyǵynda agrarlyq týrızmdi damytýǵa bolatynyn eskermeppish. Master-klassta osy baǵyttaǵy bilimimizdi keńeıttik»,- deıdi kásipker.
Sonymen qatar qonaq úı bıznesi boıynsha sheberlik sabaǵyn halyqaralyq sarapshylar Faben Selos (Fransıa) men Aleksandr Gýsev (Qyrǵyzstan) júrgizdi. Trenerlerdiń sózinshe, servıs mádenıeti men qyzmet kórsetý sapasy árdaıym joǵary bolyp, qyzmet kórsetý deńgeıi nysannyń qalada nemese aýylda ornalasýyna baılanysty bolmaýy kerektigine nazar aýdardy.
Ortalyq Azıa ýnıversıtetiniń QR Úkimeti jáne qoǵammen baılanys jónindegi ókili Raıhan Sısekenovanyń aıtýynsha óńirde otbasylyq týrızmdi damytý úshin qolaıly jaǵdaı jasaý múmkindigin qarastyrý qajet.
«Tekeli - otbasylyq týrızm úshin qolaıly qala» atty tujyrymdamany usynyp otyrmyz. Osylaısha biz kásipkerler qoǵamdastyǵyn otbasylyq demalysty yńǵaıly etý úshin jańa qyzmet túrlerin engizýge yntalandyrǵymyz keledi», - deıdi Raıhan Sısekenova.
Sheberlik sabaǵynyń qorytyndysy boıynsha qatysýshylarǵa biliktilikti arttyrý jónindegi halyqaralyq sertıfıkat tapsyryldy.
Aıta keteıik, týrızm basqarmasy Talǵar aýdany, Qasqeleń qalasy, Taldyqorǵan jáne Qapshaǵaı qalalaryndaǵy ornalastyrý men tamaqtandyrý oryndarynyń qyzmetkerleri úshin oqytý kýrstary men trenıńter toptamasyn uıymdastyrǵan bolatyn. Sonymen qatar Raıymbek aýdanynda qonaq úıler men gıd-ekskýrsovodtar úshin de kýrstar ótkizildi.
Basqarmanyń aqparatynsha, 2017 jyly týrıserge arnalǵan 680 ornalastyrý oryndary tirkelip, onla 1,5 mln adam demalǵan.
