Qyzylorda qalasyndaǵy atys saldarynan jaraqat alǵan azamat oblystyq medısına ortalyǵynda qaıtys boldy, dep habarlaıdy Qamshy.kz aqparat agenttigi.

Eske salsaq, keshe Qyzylorda qalasy, Áıteke bı kóshesinde atys boldy. Atys saldarynan er adam aýrýhanaǵa jetkizilgen. 

«Naýqas oblystyq medısına ortalyǵyna aýyr jaǵdaıda jetkizildi. Dereý qabyldaý bóliminen jansaqtaý bólimine jatqyzyldy. Sol mezette «ish qýysyna tereń oq tıgen, ishki aǵzalary zaqymdalǵan. 4 dárejeli gemorragıalyq shok» degen dıagnoz qoıyldy. Naýqasqa shuǵyl ota jasaldy. Alaıda, kórsetilgen reanımasıalyq sharalarǵa qaramastan jaraqattanǵan azamat 27 naýryz kúni keshkisin kóz jumdy»,- delindi Qyzylorda oblystyq densaýlyq saqtaý basqarmasynyń baspasóz qyzmetiniń málimdemesinde.

"QİİB kezekshi bólimine Áıteke bı jáne Jeltoqsan kósheleriniń qıylysynda  buzaqylyq  oryn alǵany týraly habarlama túsken. Oqıǵa ornyna jedel-tergeý toby jetip, 7-8 adamnan quralǵan toptyń buzaqy áreketi anyqtaldy. Nátıjesinde qalanyń 1 turǵyny dene jaraqatymen oblystyq medısınalyq ortalyqqa (OMO) jetkizildi.  Atalmysh derek boıynsha QR QK-niń 259-baby, 3-bóligi, "Buzaqylyq" faktisi boıynsha qylmystyq is qozǵaldy. Qazirgi tańda, kúdiktiler, buzaqylyq árekettiń músheleri QİİB jetkizildi, tergeý amaldary júrgizilýde. Tergeý múddesine baılanysty málimetter jarıa etilmeıdi", - dep málimdegen bolatyn OİİD bastyǵynyń orynbasary N.Anarbaev.