Kemerovodaǵy qaıǵyly jaǵdaıǵa baılanysty qalada stıhıalyq mıtıń bolyp ótti. Mıtıń keshe jergilikti ýaqytpen tańerteńgi saǵat 9-da bastalyp, 11 saǵat boıy jalǵasty dep habarlaıdy RIA Novostıge silteme berip Qamshy.kz aqparat agenttigi.

Keıbir derekter boıynsha mıtıńke 10,000-ǵa jýyq adam qatysty. Ashýly qala turǵyndary «Zımnáá Vıshná» saýda-ortalyǵynda kóz jumǵandar týraly resmı derekterge senbeıtinin jetkizdi. Olar sheneýnikterden ózderin ortalyq alańǵa ǵana emes, máıithanaǵa kirgizýdi talap etti.

Mıtıń barysynda Kýzbasstyń gýbernatory Sergeı Sıvılev tizerlep turyp, mıtıńke qatysýshylardan keshirim suraǵan.

Mıtıńke qatysýshylar jýrnalıserge suhbat berip, sheneýnikterdiń qaza tapqandardyń naqty sanyn jasyryp jatqanyn kinálady. Kemerovo qalasynyń meri Ilá Seredúk mıtıńke qatysýshy belsendiler tobyn máıithanalarǵa jiberdi. Máıithanalarǵa baryp kelgen adamdar jurt aldynda esep berdi.

"Qazir ǵana máıithanalarǵa baryp keldik. Barlyq qabattardy, podvaldarǵa deıin qarap shyqtyq. Tizimde kórsetilgendeı 64 adamnyń máıitin kórip keldik",-dedi belsendilerdiń biri.

Eske salsaq, 25 naýryzda "Zımnáá vıshná" saýda-ortalyǵynyń ústińgi qabatynda órt tutanyp, ǵımarat órtengen. Saldarynan 64 adam kóz jumdy dep habarlandy. Olardyń ishinde balalar da bar.