Qazaqstanǵa resmı saparmen BUU-nyń Dúnıejúzilik Týrısik Uıymnyń Bas hatshysy (UNWTO) Zýrab Pololıkashvılı keldi, dep habarlaıdy Qamshy.kz aqparat agenttigi QR Mádenıet jáne sport mınıstrliginiń baspasóz qyzmetine silteme jasap.
Sapar aıasynda QR Mádenıet jáne sport mınıstri A. Muhamedıulymen kezdesý ótti. Kezdesý barysynda Dúnıejúzilik Týrısik Uıym UNWTO-men Qazaqstan Respýblıkasy arasyndaǵy týrızmdi damytýǵa baılanysty keń kólemdi máseleler talqylandy.
«Zýraba Pololıkashvılı myrzanyń Dúnıejúzilik Týrısik Uıymnyń Bas hatshylyǵy qyzmetine ornalasqandaǵy alǵashqy resmı saparynda Qazaqstanǵa kelýi elimizge degen erekshe yqylasty bildiredi, bul Týrızm Uıymy (UNWTO) Qazaqstandaǵy týrızmdi damytýǵa járdemdesedi» - dep senim bildirdi QR Mádenıet jáne sport mınıstri Arystanbek Muhamedıuly.
Zýraba Pololıkashvılıdiń aıtýynsha sońǵy ýaqytta Qazaqstan jer-jerlerde týrızmdi damytýǵa arnalǵan globaldyq reformalar jáne qurylys sharttaryn jasaý jóninde úlken jumys atqardy: «Qazaqstannyń bolashaǵy - bul týrızm. Búgin biz kórip otyrmyz, bul baǵytta memeleket qarqyndy jumystar atqaryp jatyr. Onyń aıǵaǵy retinde byltyr ǵana QR Úkimetiniń qoldaýymen «Kazakh Tourism» ulttyq týrıstik ofısi quryldy».
Sapardyń qorytyndysy boıynsha, Dúnıejúzilik Týrısik Uıym UNWTO Bas hatshysy Zýrab Pololıkashvılı Qazaqstannyń týrızmdi damytýdyń jańa bastamalaryn iske asyrýda, atap aıtqanda, týrızm salasyndaǵy halyqaralyq ınvestısıalyq forýmdy ótkizýge qoldaý kórsetýge daıyn ekendigin bildirdi, ol sheteldik ınvestorlardyń Qazaqstannyń týrısik jobalaryna nazaryn aýdarýǵa jáne jyl saıynǵy «ITB EURASIA» Halyqaralyq týrısik jármeńkelerdi, «Uly Jibek joly» halyqaralyq týrızm mınıstrleriniń kezekti kezdesýlerin uıymdastyrýǵa múmkindik berýge atsalysatynyn jetkizdi.
Sonymen qatar, qazaqstandyq týrızmniń kún tártibine Dúnıejúzilik Týrısik Uıym UNWTO-nyń Almatydaǵy bóliminiń qoldaýymen Ortalyq Azıa elderi úshin ekskýrsovodtar men týroperatorlarǵa arnalǵan oqý ortalyǵyn qurý máselesi de kiredi.
Qazaqstan tarapy Qazaqstannyń týrısik salasyn damytýdyń jańa kezeńinde Dúnıejúzilik Týrısik Uıym UNWTO-men odan ári yntymaqtastyqqa úlken úmit artady.
