Qaıǵyly jaǵdaı búgin saǵat 12-de Kırov aıaldamasynyń aýdanynda boldy. Er adam esin jımastan oqıǵa ornynda qaza tapty. Bul týraly BQO densaýlyq saqtaý basqarmasynyń basshysy Qanat Tósekbaev málimdedi.

- Ǵumar Qarash kóshesinde qaıǵyly jaǵdaı boldy. Orta jastaǵy er adamnyń basyna shatyrdaǵy muz qulaǵan. Jedel-járdem eki mınýtta jetti, alaıda er adamnyń baqılyq bolǵanyn baıqaǵan, - deıdi Tósekbaev.

Qaıtys bolǵan adamnyń jasy men ózge de aqparattar áli anyqtalǵan joq.

Keıin oblystyq densaýlyq saqtaý basqarmasy basshysynyń orynbasary Gúlnár Ábdirahmanova jedel-járdem qyzmetkerleri 11:58-de habar alǵanyn aıtty.

Ábdirahmanovanyń aıtýynsha, jedel-járdem kóligi 12:00-de oqıǵa ornyna jetti. Basy zaqymdanǵan er adam aýrýhanaǵa aparar jolda kólik ishinde kóz jumǵan.