2018 jylǵy 1 sáýirden bastap № 31/32 «Pavlodar-Almaty» standart poıyzynyń jyljymaly quramy zamanaýı «Tulpar-Talgo» vagondaryna almastyrylady, dep jazady Qamshy.kz aqparat agenttigi.  Bul jaıynda Jolaýshylar tasymaly AO-nyń baspasóz qyzmeti habarlady.

Júrdek poıyz kún saıyn Pavlodar stansıasynan 21:11-de jolǵa shyǵyp, Almaty vokzalyna 23:02-de jetedi. Al keri baǵytpen Almaty-2 vokzalynan 16:12-de shyqqan poıyz Pavlodarǵa 17:20-da jetedi.

Jańa keste boıynsha da jolaýshylar poıyzy burynnan aıaldaıtyn beketterdiń barlyǵyna toqtaıdy. Jol júrýge ketetin ýaqyt onyń jyldamdyǵynyń artýyna baılanysty 3 saǵatqa qysqardy.

Budan bólek, 2018 jylǵy 1 sáýirden bastap «Samarqan-Astana Nurly jol» baǵdarymen № 251/252 halyqaralyq poıyzy júredi. Poıyz aptada bir ret: Astanadan seısenbide, Samarqannan jeksenbi kúnderi shyǵady.