QR Premer-mınıstri Baqytjan Saǵyntaev OQO-ǵa jumys sapary aıasynda «Saryaǵash jer syıy» kóshetterdi ósirý tálimbaǵyn aralaǵannan keıin AÓK damytýdyń memlekettik baǵdarlamasy men prezıdenttiń «Shaǵyn nesıe berýdi kóbeıtý» tórtinshi áleýmettik bastamasyn júzege asyrý boıynsha aýyl sharýashylyǵy taýaryn óndirýshilermen kezdesti.

Kezdesý barysynda aýyl sharýashylyǵyn damytýdyń ózekti máseleleri talqylandy. Atap aıtqanda, eksporttyq áleýet, sýbsıdıalaý, aýyl sharýashylyǵy ónimderin óńdeýge ınvestısıalar tartý, AÓK-ti tehnologıalyq jańǵyrtý, etti mal sharýashylyǵy men ósimdik sharýashylyǵyn damytý máseleleri qaraldy.

QR Premer-Mınıstri Baqytjan Saǵyntaev Qazaqstannyń agroónerkásiptik kesheni perspektıvalyq bolashaqqa ıe ekenin atap ótti. Elimiz kóptegen pozısıalar boıynsha álemdegi agrarlyq eksporttyq ónimder shyǵaratyn iri óndirýshilerdiń biri bola alady. Osy maqsatta Úkimet barlyq qajetti sharalardy qabyldap jatyr: AÓK damytýdyń memlekettik baǵdarlamasy júzege asyrylýda; veterınarıalyq qyzmettiń baǵynyshtylyǵyn qalpyna keltirýdi, bıznestiń ǵylymı zertteýlerge qatysýyn yntalandyrýdy, ónim daıyndaý uıymdaryn sýbsıdıalaýdy qarastyratyn zań jobasy usynyldy; eksportqa baǵdarlanǵan kásiporyndardyń paıdasy úshin sýbsıdıalaý saıasaty qaıta qaralyp jatyr.

Prezıdenttiń «Shaǵyn nesıe berýdi kóbeıtý» atty tórtinshi áleýmettik bastamasy aıasynda agrarlyq qyzmetkerler úshin jańa múmkindikter ashylyp jatyr. Shaǵyn nesıe berýdi qarjylandyrýǵa 20 mlrd teńge baǵyttaldy. Bul óz bıznesin bastaýdy kózdep júrgen azamattarǵa usynylatyn úlken qoldaý bolady.

Aýyl sharýashylyǵynyń birinshi vıse-mınıstri A. Evnıev Prezıdenttiń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» Joldaýy men Memleket basshysynyń «Shaǵyn nesıe berýdi kóbeıtý» tórtinshi áleýmettik bastamasyn iske asyrý barysy men fermerlerdiń múmkindikteri týraly baıandady.

Sondaı-aq, talqylaý barysynda «Ordabasy qus» JSHS dırektory M. Taǵaev, «Saryaǵash jer syıy» JSHS dırektory T. Shyńtasov, «Nuraly jol» sharýa qojalyǵynyń tóraǵasy E. Eralıev, Jylyjaılar qaýymdastyǵynyń tóraǵasy M. Snabaev pikir bildirdi.