Qazgıdromettiń habarlaýynsha, naýryz aıynyń sońǵy kúnderi elimizdiń kóptegen oblystarynda jaýyn-shashyn, qar bolýy múmkin.
Sıklondar men antısıklondar Qazaqstan aýmaǵy arqyly joǵary jyldamdyqpen jyljıdy. Osyǵan baılanysty, elimizde jańbyr men qar túrinde jaýyn-shashyny jıi bolyp turatyn turaqsyz aýa-raıy saqtalady.
Aldaǵy úsh táýlikte Qazaqstan aýmaǵynyń basym bóliginde jaýyn-shashyn, ońtústik bóliginde naızaǵaı aralas jańbyr, soltústiginde ylǵaldy qar, tuman jáne kóktaıǵaq kútiledi. Elimizdiń basym bóliginde aýa temperatýrasy burynǵysha klımattyq normadan joǵary, tek soltústik aýdandarda temperatýra 2-3°S normadan tómen bolady.
