Elimizdegi oıyn-saýyq ortalyqtary men saýda úıleri sıaqty halyq kóp baratyn nysandar 2 sáýirden bastap jospardan tys tekseriletin boldy, dep habarlaıdy QazAqparat.

Bul týraly QR İİM Tótenshe jaǵdaılar komıtetinde órt qaýipsizdigi salasyndaǵy memlekettik baqylaýdy júzege asyrý máseleleri jóninde ótken brıfıń barysynda belgili boldy.

Qazaqstandaǵy buqaralyq nysandardyń bári 2 sáýirden bastap tekseriletin boldy. Tekserýge 3 aı berilip otyr. Jıynda atalǵan vedomstvonyń memlekettik órt baqylaý bóliminiń bastyǵy Rústem Ysqaqov habarlaǵandaı, kelesi sanattaǵy nysandar órt qaýipsizdigi boıynsha tekseriletin bolady.

Olar: órtke qaýipti óndirisi bar kásiporyndar, tynys-tirshilikti qamtamasyz etý nysandary, munaı bazalary men munaı ónimderiniń qoımalary, elevatorlar, bilim berý nysandary, bir ýaqytta 200-den kóp adam baratyn mádenı-aǵartý, dinı nysandar, sporttyq keshender, áýejaılar, temirjol, avtokólik vokzaldary, avtojanarmaı quıý beketteri jáne gaz qoımalary stansıalary jáne sol sekildi ózge de nysandar.