Búgin, 31 naýryz kúni «Qazaqstan» Ulttyq arnasynda «Q-pop idols» (Qazaq pop idols) realıtı-shoýynyń tusaýkeseri bolady. Atalmysh joba mýzykalyq telebaıqaý formatynda ótedi. Jobanyń jetekshisi tanymal prodúser ári mýzykant Erbolat Bedelhan, dep habarlaıdy Qamshy.kz aqparat agenttigi.

«Jobanyń maqsaty - zamanaýı mýzyka arqyly jastar arasynda qazaq tilin nasıhattaý. Jobanyń talaby boıynsha qatysýshylar vokalmen qosa bı sheberligin ortaǵa salyp, qazirgi zamanǵy mýzykanyń erekshelikterinen habardar bolýy kerek.

Atap aıtqanda, jan-jaqty bolyp, óleń, mýzyka jaza alatyn daryndy úmitkerler baq synasady» delingen baspasóz baıanynda. Sonymen qatar, «Q-pop idols» jobasynyń jeńimpazdary, jańa  «Juz'I'm» atty qyzdar tobynyń quramyna enetin bolady. Aıta keteıik, osy jobaǵa ótý úshin kastıngke elimizden basqa, Reseı jáne Qytaıdan 800-den astam jas daryndy qyzdar qatysyp, óz ónerlerin kórsetti. «Q-pop idols» realıtı-shoýyn 31 naýryzdan bastap,  «Qazaqstan» Ulttyq telearnasynan ár senbi saıyn kórsetiledi.