Sınoptıkterdiń boljamynsha, Astanada 3-5 sáýir kúnderi kún jyly bolady, dep habarlaıdy Qamshy.kz aqparat agenttigi elorda ákimiginiń saıtyna silteme jasaı otyryp.

«Qazgıdromettiń» málimetterine sáıkes, 3 sáýirde elordada kún ala bultty, jaýyn-shashynsyz bolady. Jel batystan sekýndyna 0-5 metr jyldamdyqpen esedi. Aýa temperatýrasy túnde mınýs 7-9 gradýs, al kúndiz 1-3 gradýs nólden joǵary bolady. 4 sáýirde kún ala bultty, jaýyn-shashynsyz bolady.

Jel ońtústik-shyǵystan 0-5 m/s jyldamdyqpen soǵady. Aýa temperatýrasy túnde mınýs 8-10 gradýs, kúndiz 3-5 gradýs nólden joǵary. Al, 5 sáýirde kún ala bultty bolady, jaýyn-shashynsyz. Ońtústik-shyǵystan 3-8 m/s jel turyp, aýa temperatýrasy túnde mınýs 4-6 gradýs, kúndiz 8-10 gradýs jyly bolady.