YouTube áleýmettik jelisinde belgili jýrnalıs Janbolat Mamaıdyń «Alash Respýblıkasy jeńgende...» atty tarıhı fılmi jaryq kórdi, dep jazady Qamshy.kz aqparat agenttigi. 

Atalmysh tarıhı fılm «Táýelsizdik úshin kúres», «Qazaqstandyq demokrattar men alǵashqy táýelsizdik», «Olar Qazaqstannan ekinshi Japonıa jasamaq boldy», «Alash Respýblıkasy jeńgende...» atty 4 bólimnen turady.  

«Bul fılmde: eger Alash Respýblıkasy, Alashorda úkimeti jeńgende, qazir qandaı memlekette ómir súrer edik? Olar qandaı el qurýdy armandady? degen kúrdeli saýaldarǵa jaýap izdedik. Jaýaby anyq: demokratıalyq, damyǵan el bolar edik», — dep jazdy Janbolat Mamaı óziniń feısbýk paraqshasyna.

Sonymen birge ol az ýaqyttan keıin fılmniń qazaqsha nusqasy jarıalanatynyn aıtty. 

Avtordyń aıtýynsha, fılmde Mustafa Shoqaı, Tursyn Jurtbaı, Mámbet Qoıgeldi, Sultan han Aqqululy, Bolat Múrsálim, Japonıa jaıly jazǵan Djeıms Mak-Kleın jáne basqa da belgili, bedeldi tarıhshylardyń, zertteýshilerdiń eńbekterinen kóptegen derek keltirilgen.