Shymkentte sapasyz balmuzdaqtan ýlanǵany týraly shaǵym túsirgen 97 pasıent aýrýhanadan shyqty, dep habarlaıdy Qamshy.kz aqparat agenttigi Qazaqparattyń deregin negizge ala otyryp.

«Búgingi tańda zardap shegýshiler shyǵarylyp jatyr. Dese de, áli de 88 adam aýrýhanada, 97-si shyqty. Meniń oıymsha, aldaǵy 1-2 kúnde zardap shekkenderdiń bári de úıine qaıtady», - deıdi OKQ-da ótken baspasóz máslıhatynda QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy Jandarbek Bekshın. Sonymen birge, ol laborotorıalyq jumystardyń nátıjesi týraly aıtty.

«Buǵan ónimniń salmonellez jáne bolar-bolmas dárejede stafılokok qozdyrǵyshtaryn juqtyrýy sebep bolǵan. Bul naqty anyqtalǵany», - dedi elimizdiń bas sanıtarlyq dárigeri. Eske sala ketsek, Jandarbek Bekshın buǵan deıin Qazaqstandaǵy balmuzdaq satatyn nysandardyń barlyǵy tekseriletinin jarıa etken bolatyn.

Aıta ketsek, Shymkentte jumsaq balmuzdaqtan adamdar ýlanyp qalǵan bolatyn. Buǵan deıin Densaýlyq saqtaý mınıstrligi bul jaǵdaıdy baqylaýǵa alǵanyn habardar etken edi. Budan keıin oblys ákimi Janseıit Túımebaev ýlanǵan adamdar túsken aýrýhanaǵa baryp, pasıentter úshin barlyq jaǵdaıdy jasaýdy tapsyrǵan bolatyn.