Kemerovo oblysynyń burynǵy gýbernatory, 73 jastaǵy Aman Tóleev Kemerovo oblysynyń halyq depýtaty bolyp saılandy, dep habarlaıdy Qamshy.kz aqparat agenttigi TASS saıtyna silteme jasap.

«Búgin Kemerovo oblystyq saılaý komısıasynyń otyrysy ótti. Onda tórtinshi shaqyrylymdaǵy Kemerovo oblystyq halyq depýtattary keńesiniń bos mandatyn «Edınaıa Rossıa» partıasynyń Kemerovo óńirlik bólimshesinen Tóleev Amangeldi Moldaǵazyulyna berý máselesi qaraldy. Bos depýtattyq mandatty oǵan berý týraly sheshim qabyldandy», — dedi saılaý komısıasynyń ókili.

Kemerovo oblysyn 1997 jyldan beri 20 jyl basqarǵan Aman Tóleev 1 sáýirde RF prezıdenti Vladımır Pýtınnen ózin otstavkaǵa jiberýdi surady. Vladımır Pýtın Kemerovo oblysy gýbernatory Aman Tóleevtiń merziminen buryn otstavkaǵa ketý týraly ótinishin qabyldady. Reseı prezıdenti aımaq basshysynyń mindetin ýaqytsha atqarý úshin vıse-gýbernator Sergeı Sıvılevti qoıdy.