Almaty qalasynda turǵyn úı kezeginen 1900 adam shyǵaryldy, dep habarlaıdy Habar 24-ke silteme berip Qamshy.kz aqparat agenttigi.

«Sebebi júıe elektrondyq portalǵa aýysty», - deıdi baspasóz máslıhatyn ótkizgen qalalyq Turǵyn úı ınspeksıasynyń ókilderi. Kezekte turǵandardyń qujattaryn tekserý kezinde 372 adamnyń Almaty qalasynan kóship ketkeni anyqtalǵan. Al myńnan astam tulǵa úı satyp alǵan. Jalpy byltyrdan beri shaharda 5887 páter berilse, áli de baspana kezeginde 20 800 adam tur. Budan bólek ınspeksıa mamandary komýnaldyq tólemder máselesine toqtaldy. Páter ıeleri kooperatıvterine qaryzy barlar endi bankterden nesıe ala almaıdy. Degenmen, kooperatıvter tarapynan da óz mindetine jaýapsyz qaraǵany turǵyndardan negizsiz aqsha jınaǵan derekter anyqtalǵan.

- Jyldyń basynan bastap tórteýi berilgen nusqamany ýaqytynda oryndamaǵandyqtan eger de qaıtalanǵan bolsa bir jyldyń ishinde biz olarǵa bir aılyq eseptik kórsetkishtiń 20 ese artyq aıyppul tóletip jatyrmyz, - deıdi qalalyq turǵyn úı ınspeksıasynyń bólim basshysy Jandos Qaıyrhanov.