5 mamyrǵa Las-Vegasta josparlanǵan Golovkın men Alvaerstiń jekpe-jegi meksıkalyq taraptyń bastamasymen ótpeıtin boldy.
Meksıkalyq boksshy Saýl «Kanelo» Alvarestiń oıynsha, Golovkın men onyń jattyqtyrýshysy Abel Sanchestiń tarapynan aıtylǵan syn úreıden týǵan. Bul týraly Sports.kz habarlady.
«Shynymdy aıtsam, Golovkın men onyń komandasynyń men týraly aıtqan pikirleri meni alańdatpaıdy. Olar dáriger nemese sarapshy emes. Kóńil aýdarmaımyn. Men úshin bul jekpe-jekten qashýdyń bir amaly syndy. Ras, Golovkın menen qorqatyn sekildi», - dedi Kanelo pres-konferensıa barysynda.
Aıta keteıik, 5 mamyrda Las-Vegasta josparlanǵan jekpe-jek ótpeıdi. Ol kúni GGG rıngke ózge qarsylaspen shyǵady.
