Aqtóbe oblysynyń ákimi Berdibek Saparbaevtyń tapsyrmasy boıynsha saraptama komısıasy qurylyp, ol kóp qabatty ǵımarattarda qyzmet kórsetetin lıft jabdyqtarynyń qaýipsizdigi men sapasyna, sondaı-aq olarǵa qyzmet kórsetýmen aınalysatyn kompanıalardy keshendi tekserýdi júrgizedi, dep habarlaıdy Qamshy.kz aqparat agenttigi Aqtóbe oblysy ákimdiginiń baspasóz qyzmetine silteme jasaı otyryp.

– Bizdi osy qaıǵyly jaǵdaı qatty qobaljytty. Bul jaǵdaıdyń qaıtalanýyna jol bermeý úshin qajetti sharalardy qabyldaýǵa tıispiz. Qala ákimdigi prokýratýra men tıisti memlekettik organdarmen birlese otyryp, barlyq lıftilerdiń jumysqa qabilettiligin, olardy jóndeý jáne kútýdiń sapasyn múmkindiginshe tez tekserýi kerek. Sondaı-aq, basqarýshy kompanıalardyń jumysyn mamandardyń qol jetimdiligi men azamattardyń qaýipsizdigin qamtamasyz etý boıynsha mindettemelerdi oryndaýyn tekserý qajet, - dep atap ótti oblys ákimi.

Komısıa quramyna turǵyn úı-kommýnaldyq, sharýashylyq basqarmasy, tótenshe jaǵdaılar departamentteri, ónerkásiptik qaýipsizdik ókilderi jáne basqa da sarapshylar kirdi.

Quqyq qorǵaý organdaryna oqıǵanyń barlyq jaǵdaılaryn muqıat tergeý, qaıǵyly oqıǵanyń sebepterin anyqtaý jáne kinálilerdi anyqtaý tapsyryldy.

Sonymen qatar, Berdibek Saparbaev marqum Aızat Ábdisamattyń týǵan-týystary men jaqyndaryna kóńil aıtty.