Keńes barysynda Almaty qalasynyń ákimi B. Baıbek jáne Almaty oblysynyń ákimi A. Batalov AÓK-ti, týrızmdi, saýdany, kólik jáne logıstıkany, bilim berý, densaýlyq saqtaý salalaryn, jappaı kásipkerlikti damytý, ındýstrıalandyrý, tehnologıalyq jańartý jáne sıfrlandyrý jumystaryn júrgizý, ınvestısıalardy tartý jáne ónimdi jumyspen qamtamasyz etý boıynsha atqarylǵan jumystar týraly baıandady.

Jıynda máselelerdi talqylaýǵa ulttyq ekonomıka mınıstri T. Súleımenov, ınvestısıalar jáne damý mınıstri J. Qasymbek, aqparat jáne komýnıkasıalar mınıstri D. Abaev, bilim jáne ǵylym mınıstri E. Saǵadıev, mádenıet jáne sport mınıstri A. Muhamedıuly, eńbek jáne halyqty áleýmettik qorǵaý mınıstri M. Ábilqasymova, aýyl sharýashylyǵy vıse-mınıstri G. Isaeva jáne densaýlyq saqtaý vıse-mınıstri L. Aqtaeva qatysty.

İ toqsan qorytyndysy shyǵarylyp, 2018 jylǵa arnalǵan ósý núkteleri anyqtaldy. Oblys ákimderiniń esepterin tyńdaý jumystary jalǵasýda.