Elorda ákimdigi gazdandyrý, lıft sharýashylyǵy, kólik turaqtary aýmaqtary men kólik júıesin damytý jobalaryn júzege asyratyn jumys toptaryn qurdy, dep jazady Qamshy.kz aqparat agenttigi Astana qalasy ákimdiginiń baspasóz qyzmetne silteme jasaı otyryp.
Astana ákimi elordanyń birqatar nysanyn aralady. Jumys barysynda ol oqý-jattyǵýlar ótken «MEGA Silk Way» saýda oıyn-saýyq ortalyǵyndaǵy órt qaýipsizdigimen qamtý sharalarymen tanysyp,"Kóktal 1" turǵyn úı alabynda ornalasqan qurylys bazaryn retke keltirýdi tapsyrdy.
Ár baǵyt boıynsha naqty sharalar jospary ázirlendi. Josparda QR ekologıalyq zańyna ózgeristerdi engizý boıynsha usynystardy daıyndaý, órt qaýipsizdigi máseleleri boıynsha jedel áreket etý, belgilenbegen jerlerdegi qoqys úıindilerin joıý sharalaryn júrgizý qarastarylǵan.
Budan bólek, qala jetekshiligi gazdandyrý, lıft sharýashylyǵy, kólik turaqtary aýmaqtary men kólik júıesin damytý jobalaryn, sondaı-aq, kóne jáne apatty úılerge qatysty jobalardy júzege asyratyn jumys toptaryn qurdy.
Aıta keteıik, elordany odan ári damytý taqyrybyndaǵy keńes barysynda Memleket basshysy qalany abattandyrýǵa qatysty birqatar naqty tapsyrma bergen-di.
