Atmosferalyq fronttardyń ótýine baılanysty Qazaqstannyń basym bóliginde jaýyn-shashyn jaýady, dep habarlaıdy Qamshy.kz aqparat agenttigi Qazgıdromettiń málimetine súıenip.

Respýblıkanyń keı jerinde tuman, kóktaıǵaq, jel kúsheıedi, ońtústik-shyǵysynda naızaǵaı oınap, burshaq jaýady. 

Jambyl, Ońtústik Qazaqstan oblystarynyń keı jerinde jel 15-20 m/s kúsheıip, túnde tuman túsedi.

Ońtústik Qazaqstan oblysynyń keı jerinde túnde 2 gradýsqa deıin úsik júredi.

Qyzylorda oblysynyń keı jerinde tuman, jel, shańdy daýyl bolady, túnde 2 gradýsqa deıin úsik júredi.  

Almaty oblysynyń keı jerinde naızaǵaı, burshaq túsýi múmkin, jel kúsheıedi. 

Aqmola, Qaraǵandy, Shyǵys Qazaqstan, Soltústik Qazaqstan, Qostanaı, Pavlodar oblystarynda jel 15-20 m/s deıin kúsheıedi, tuman, kóktaıǵaq bolady. 

Aqtóbe, Batys Qazaqstan oblystarynyń keı jerinde jel kúsheıip, tuman túsedi.

Mańǵystaý oblysynda tuman, Atyraý oblysynda jeldiń kúsheıýi boljanyp otyr.