Depýtattar Aqtóbedegi jańa aýdandardy «Astana» jáne «Almaty» dep ataýdy bekitken. Aýdandardyń bulaı atalýyn halyq túgeldeı qoldaǵanyn da jetkizdi. Alaıda áleýmettik jelide aqtóbelik turǵyndardyń jańalyqqa qýana qoımaǵany baıqalady.

Qarsy turǵyndar aýdandarǵa Elek jáne Sazdy degen ataýlardy berýdi usynyp, hat jazdy.

6 sáýirde máslıhat sesıasynda depýtattar biraýyzdan Aqtóbedegi eki aýdandy «Almaty», «Astana» dep ataýdy sheshken. Daýys berýshilerdiń kóbi ataýdy qoldady.

Al áleýmettik jeli qoldanýshylary depýtattardyń usynysyna qarsy ekenderin jarysa jazdy, tipti olardyń kóptigi sonsha, kimniń qoldaǵanyn túsinbeı dal. Eń belsendileri aýdandarǵa eki astananyń emes, Aqtóbe tarıhyna qatysy bar ataýlardy berýdi usynyp, hat jazdy. Hat jazǵandardyń qataryna tarıhshylar, jýrnalıser, muǵalimder men ózge de ıntellıgensıa ókilderi qosyldy.

Dıapazon portalyna belsendiler ne sebepti qarsy ekenderin aıtty.

«Birinshiden, depýtattar halyqtyń pikirimen sanasqan joq. Sonda bizdiń qalamyz úsh qaladan turatyn bolady ǵoı – Aqtóbe, Almaty, Astana. Aýdandarǵa eki ózenniń – Elek jáne Sazdy degen ataýlardy bergenin qalaımyz», - dedi «Ult taǵdyry» qoǵamdyq birlestiginiń jetekshisi Aıtqalı Italıev.

Belsendilerdiń sózinshe hat Qazaqstan prezıdentine, Aqtóbe oblysynyń ákimdigine jáne onomastıka komısıasyna jiberildi.