Búgin QR Din isteri jáne azamattyq qoǵam mınıstri Darhan Káletaev Qazaqstan kásipodaqtar Federasıasynyń tóraǵasy Baqytjan Ábdiraıymmen kezdesti, dep habarlaıdy Qamshy.kz aqparat agenttigi QR Din isteri jáne azamattyq qoǵam mınıstrliginiń baspasóz qyzmetine silteme jasap.

Kezdesý barysynda azamattyq qoǵam salasyndaǵy ýákiletti organnyń jáne kásipodaq uıymdarynyń áleýmettik seriktestikti damytý boıynsha ózara is-qımyldy nyǵaıtý máseleleri talqylandy.

Darhan Káletaev eńbek qatynastaryn retteýde jáne eldiń áleýmettik-qoǵamdyq damýynda kásipodaq uıymynyń qoǵamdyq ınstıtýt retinde aıryqsha ról atqaratynyn atap ótti.

Kezdesý barysynda yntymaqtastyqtyń negizgi basymdyqtary retinde áleýmettik áriptestiktiń júıesin damytý jáne úkimettik emes uıymdardy tartý, memlekettik baǵdarlamalardy túsindirýge belsendi qatysý, eńbek ujymdarynda áleýmettik jáne qoǵamdyq turaqtylyqty saqtaý úshin taraptardyń kúsh-jigerin biriktirý jaıy aıtyldy.

Qazaqstan kásipodaqtar Federasıasynyń tóraǵasy Baqytjan Ábdiraıym óz sózinde birlesken áleýmettik jobalardy júzege asyrý jumystaryna qatysýǵa daıyn ekendigin bildirdi.

Kezdesý qorytyndysy boıynsha taraptar ózara yqpaldastyq  deńgeıin odan ári arttyrýdyń mańyzdylyǵyn atap ótti.