Qazaqstan musylmandary dinı basqarmasynyń tóraǵasy Serikbaı qajy Satybaldyuly Atyraý oblysyna jasaǵan resmı sapary aıasynda Maqat aýdany Dossor eldimekenine bardy, dep jazady Qamshy.kz QMDB baspasóz qyzmetine silteme jasap.

Aýyldaǵy meshit jumysymen tanysyp, turǵyndarmen suhbattasty. Maqat aýdanynyń ákimi Berikqalı Jolanuly Bas múftıge óńirdiń tynys-tirshiligi men qazirgi dinı ahýal týraly áńgimelep berdi.

«Biz eldiń shetin jaýdan qorǵap, halyqty izgilikke uıytqan keshegi erjúrek Mahambet, Isataı syndy babalardyń búgingi urpaǵymyz. Bahadúr babalarymyz osynaý ulanǵaıyr jerdi bizge amanattap ketti. Demek, memleket tynyshtyǵynyń myǵym bolýyna úles qosyp, halyqty yntymaqqa bastaý – ár azamattyń asyl boryshy. Biz izgi isterimizben ǵana tarıhta qalamyz. Birlik bolmaǵan jerde bereke ketedi. Allaǵa shúkir, meshitterimiz ashyq, medreselerimiz jumys istep tur. Osynyń bári Allanyń bergen úlken nyǵmeti. Halqymyzda: «Baǵalamasań baq ketedi», – degen jaqsy sóz bar. Barymyzdy baǵalap, bir-birimizge qamqorshy bolyp júreıik», – dedi Serikbaı qajy Oraz.

Kezdesý sońynda Bas múftı aýdan basshysy Berikqalı Jolanulyna «Uly dala tósindegi Islam» atty kitabyn syıǵa tartty.

QMDB tóraǵasy S.Satybaldyuly jergilikti ımamdarǵa naqty tapsyrmalar berip, elge qyzmet etýde belsendilik tanytýǵa shaqyrdy.