Belgili telejúrgizýshi, sońǵy kezderi basy daýǵa qalyp júrgen Aman Tasyǵan Muhtar Shahanovpen suqbatyn Youtube arnasyna jarıalady. Atalǵan suhbat kezinde tanymal aqyn Muhtar Shahanov Dımash Qonaevpen birge ne úshin jylaǵanyn aıtty dep jazady Qamshy.kz aqparat agenttigi. 

«Men SSR halyq depýtaty edim. Eki adam maǵan aryz aıtyp keldi. Tashkenttiń shyǵysynda Bostandyq atty aýdan bolatyn. Bul qazaqtyń aýdany edi. Sol jerdi 25 jyl ózbekterge jalǵa bergen eken. Jerdi jalǵa berý merziminen ótip ketipti. Keıin men aryzdy tereńirek zertteý júrgizý úshin Dinmuhammed Qonaevqa bardym. Aǵaǵa barlyq jaǵdaıdy túsindirdim. Sosyn, Dımekeń maǵan bul jaıtqa qatysty 67 qaǵaz baryn aıtyp, kelesi kúni sol qaǵazdardy maǵan ákelip berdi. Dımekeń maǵan «Siz Bostandyq aýdanyna baryp, osy máseleni zertteńiz, kóp máselege kózińizdi jetkizińiz», dep aıtty. Sóıtip, men Bostandyq aýdanyna bardym. Sol aýdanda turatyn zıaly adam bar eken, meni sol úıge alyp bardy. Men úıine barǵan adamnyń nemeresi me, balasy ma bilmedim birneshe bala sabaqtan keldi. Barlyǵynyń basynda ózbektiń taqıasy bar, balalar ózbekshe sóılesip júr. Sodan keıin men bireýinen ózbeksiń be, qazaqsyń ba dep suradym. Olar «ákem — qazaq, men —ózbekpin», — dep jaýap berdi. Bul aýdanda qazaq balalar ózbekshe oqymasa olardyń ata-anasyna, otbasyna qysym jasaıdy eken. Osyndaı máselelerdiń barlyǵyn zerttep elge qaıttym. Sol kezde parlamenttiń bastyǵy Serikbolsyn Ábdildın bolatyn. Oǵan osy jaǵdaıdy túsindirdim. Men baıandama jasadym. Parlament túgel qoldap, sheshim shyǵardy. Men sol sheshimdi Ózbekstannyń prezıdentine jiberdim. Keıin sol kezdegi basshylardyń birimen Ózbekstannyń prezıdenti jolyǵyp, «shekara qazir qalaı bolsa sol kúıinde qalsyn», degenge qol qoıdyryp jiberipti. Sonda biz, Qonaev ekeýmiz eńkildep túryp jylaǵanbyz. Al buny jurttar bilmeıdi», dep eske aldy Muhtar Shahanov. 

Sonymen birge Muhtar Shahanov ultqa, tilge qatysty óz pikirin bildirip, shyndyǵynan aıyrylǵan adamdy adam qurly kórmeıtinin, aralasqysy da, syılasqyy da kemeıtinin aıtyp ótti. 

Sonymen birge aqynnyń shamyna tıip, jaýap bergisi kelmegen suraqtar da boldy. Onyń biri «Sońǵy ret Elbasymen qashan kezdestińiz?» degen saýal qoıyldy. Muhtar Shahanov Elbasynyń kezdesýge shaqyrǵanyn, alaıda óziniń bas tartqanyn aıtty. Biraq «Elbasymen kezdesseńiz qandaı suraq qoıar edińiz?», degen suraqqa «Onyń ne keregi bar? Qajeti joq. Alyp tasta», - dep qysqa qaıyrdy. 

Jýrnalısiń «Sońǵy ret qashan sezimmen qashan óleń jazdyńyz?» degen saýalyna da aqyn nege ekeni belgisiz jaýap bergisi kelmedi. «Mahabbat týraly óleńderim bar ǵoı», - dep qoıa saldy.