Italıanyń solstústiginde aýksıonǵa qoıylǵan úıdi kórýge kelgen adam sol úıden mýmıaǵa aınalǵan úı ıesin taýyp alǵan. Oqıǵa Valle-del-Pýzýbo qalasynda bolǵan. Bul týraly RIA Novostı habarlaıdy.
Er adam sot organdary ókilderimen birge úıdi qaraýǵa kelgende, úı ishindegi bólmelerdiń birinen oryndyqta otyrǵan mýmıany kórgen, qoryqqandarynan er adamdar polısıa shaqyrǵan.
Belgili bolǵandaı, mýmıaǵa aınalǵan dene osy úıdiń 42 jastaǵy ıesi Valter Dal-Dzottoǵa tıesili bolyp shyqqan. Ol 2017 jyldyń jazynda kóz jumǵan eken. Marqum jalǵyzbasty, tuıyq adam bolǵan. Anasynyń óliminen keıin bul úıde jalǵyz turǵan. Onyń taǵy aǵasy men ákesi bar eken, alaıda olar basqa qalada turady. Dal-Dzotto jumystan shyǵyp qalǵan soń, úıiniń ıpotekasyn tóleı almaı qalǵan. Sodan keıiń onyń úıinde elektr qýatyn óshirip tastap, úıdi aýksıonǵa satylymǵa qoıǵan.
Úıdi satý 24 sáýirden 27 myń evrodan bastalý kerek bolǵan.
