Jasandy jolmen uryqtandyrý kezinde balanyń jynysyn tańdaýǵa ruqsat bar. Almatyda dindarlar keńesi kóptiń kókeıinde júrgen osy máselege qatysty pátýa shyǵardy, dep habarlaıdy Qamshy.kz aqparat agenttigi KTK arnasy-na silteme berip.

EKO jasatý kezinde ul nemese qyz urpaqty tańdap alýǵa endi sharıǵat qarsy kelmeıdi. Alaıda, erli-zaıypty qatty zárý bolǵanda ǵana osy ádisti qoldanýy tıis. Máselen, bolashaqa ata-ananyń biri bedeý nemese tuqym qýlaıtyn aýrýlar bolsa ǵana. Óıtkeni, genetıkalyq dert kóbine ul balaǵa beriledi eken. Al, qyz balaǵa berilmeýi múmkin. Aıta keterligi, erli-zaıyptylar zań men sharıǵat aldynda nekede bolýlary tıis. Sondaı-aq, búgin ǵulamalar keńesi týyla sala shetinep ketetin shaqalaqtardy jerleýdiń jón-joralǵylaryna da qatysty pátýa shyǵardy.

– Eger túsik bolatyn bolsa, 12 múshesiniń belgisi bolatyn bolsa, olaı bolsa biz tolyqqandy jańaǵy atyn aıtyp, jerleýimizge bolady. Al, eger de 12 múshesi de bútin, aǵzasynda kishkene qybyrlaǵan, ıakı bolmasa, daýysy shyǵyp, sondaı bolatyn bolsa onda atyn aıtyp, jáne janaza namazyn oqyp, jerlenedi degen sóz, - dedi Bas múftı Serikbaı qajy Oraz.