Almatyda "Biryńǵaı jınaqtaýshy zeınetaqy qory" AQ eks-basshysy Rýslan Erdenaevqa qatysty sot úkimi shyqty, - dep habarlaıdy Tengrinews.kz.

Rýslan Erdenaev QR Qylmystyq kodeksiniń 189-babynyń 4-bóliginiń 2-pýnkti ("Senip tapsyrylǵan bóten múlikti ıemdenip alý nemese talan-tarajǵa salý") boıynsha jáne 366-babynyń 4-bóligi ("Asa iri kólemde para alý") boıynsha aıypty dep tanylyp, 12 jylǵa bas bostandyǵynan aıyryldy. Sondaı-aq, ol memlekettik qyzmetke turý quqyǵynan ómir boıyna aıyryldy.

Memlekettik aıyptaýshynyń málimetinshe, 2016 jyldyń 6 qazanynda "Biryńǵaı jınaqtaýshy zeınetaqy qory" AQ bes mıllıard teńge somaǵa qundy qaǵaz satyp alǵan. Alaıda "BJZQ" AQ qaterler departamenti bul kelisimnen bas tartýǵa keńes bergen. Quqyq qorǵaý organdarynyń ókilderi bul kelisimniń saldarynan memleketke asa iri kólemde zıan kelgenin aıtyp otyr.