Semeıde 18 jastaǵy qyz bala joǵalyp ketti. 16 sáýir kúni úıinen shyqqan ol sol kúıi qaıtyp oralmaǵan,  dep habarlaıdy Qamshy.kz aqparat agenttigi.

İz-túzsiz joǵalyp ketken Áıgerim Amrenova qaladaǵy kolejderdiń birinde oqıdy. Qazir Áıgerimdi tártip saqshylary izdestirip jatyr. Ázirge nátıje joq. Búgin qyzdy izdeý jumystaryna qaladaǵy   "RINA. KZ-Semeı" eriktiler qozǵalysynyń músheleri de shyqpaq.

— Ata-anasy men týǵan-týystary da izdep jatyr. Onyń uıaly telefony óship jatyr. Sondyqtan habarlasa almaı otyrmyz.  Tabylyp qalady degen úmit bar. Keshki saǵat 18.00-de qozǵalys músheleri men eriktiler Áıgerimdi izdeýge shyǵamyz, - dedi qozǵalys jetekshisi  Evgenıa Pavel.

Áıgerimniń boıy - 167 sm, ortasha deneli, shashynyń túsi qońyr, kózi jasyl, oń jaq betinde meńi bar. Jalǵyz balasynan kóz jazyp qalǵan ata-ana ol týraly qandaı da bir aqparat tabylsa +7- 747 349 57 17; +7 -702 141 22 50 nómirine habarlasýdy  suraıdy.