JEO-1 jáne JEO-2 kózderinde avtomattandyrylǵan dachıkterdi ornatý jumystary júrgizilýde.
Bul týraly Almaty qalasy ÓKQ –de Almaty qalasy boıynsha Ekologıa departamentiniń basshysy Orman Aqkozıev málimdedi.
«Sıfrly Qazaqstan» memlekettik baǵdarlamasynyń bes baǵytynyń biri - ınovasıalyq ekojúıeni qurý - bıznestiń, ǵylymı salanyń jáne memleket arasyndaǵy turaqty kóldeneń baılanystary bar tehnologıalyq kásipkerlikti jáne ınovasıany damytý úshin jaǵdaı jasaý baǵytyn qurý. Memleket ınovasıalardy óndiriske shyǵarýǵa, beıimdeýge jáne engizýge qabiletti ekojúıe katalızatory retinde áreket etedi.
Qazaqstan Respýblıkasynyń Energetıka mınıstrligimen osy jyly Ekologıalyq kodekstiń jańa redaksıasyn ázirleýdi jáne ony 2019 jyly Parlamentke usynýdy josparlap otyr, alaıda elimizdiń tabıǵatty qorǵaý zańnamasyn Ekonomıkalyq yntymaqtastyq jáne damý uıymy (EYDU) normasyna engizý, tabıǵat paıdalanýshylardy «jasyl» tehnologıalardy engizýdi yntalandyrýdý qajet etedi,-deıdi ol.
Kásiporyndardyń sanıtarlyq-qorǵaý aımaqtary 1000 metrden asady, bir sanıtarlyq qorǵaý aımaǵynda birdeı lastaýshy ıngredıentterdi shyǵaratyn birneshe kásiporyn bar. Sondyqtanda qandaı kásiporynnan atmosferaǵa shyǵarylatyn lastaýshy zattar shyǵaryndylarynan asyp túsetinin naqty anyqtaý múmkin emes jáne olar boıynsha sharalar qoldaný qıyndaı túsedi.
Osyǵan baılanysty, 2018 jyldyń qańtar aıynda «Almaty elektr stansıalary» AQ-men Yntymaqtastyq týraly memorandým jasaldy, JEO-1 jáne JEO-2 kózderinde avtomattandyrylǵan dachıkterdi ornatý jumystary júrgizilýde. Osy baǵytta jumys bolashaqtada jalǵasady.
Búginde adamzat óziniń ómirlik áreketin qorshaǵan ortaǵa zıan keltirmesten oılastyrǵan túrde júrgizý kerek ekendigin oılastyrý kerek,-dep sózin qorytyndylady.
Bir jaqty qozǵalysty joldar, jaıaý júrginshilerge arnalǵan aımaqtar, velosıped joldary, metropolıten qurylysy – ekologıalyq qaýipsizdik úshin.
Almaty qalasynyń Ákimdigimen «Almaty 2020» Damý baǵdarlamasyna sáıkes, avtomobıl kóligi, ónerkásiptik kásiporyndar, jeke menshik sektordyń qorshaǵan ortasyna teris áserin tómendetýge baǵyttalǵan túrli is-sharalar jospary júzege asyrylýda,-dep málimdedi Almaty qalasy boıynsha Ekologıa departamentiniń basshysy Orman Aqkozıev Almaty qalasy ÓKQ –de ótken brıfıńte.
Onyń aıtýynsha, tıimdi jol aıyryqtar salyndy, jekelegen joldar men bir jaqty qozǵalysty joldar uıymdastyrylýda, jaıaý júrginshilerge arnalǵan aımaqtar bólinýde, velosıped joldary salynýda, metropolıten qurylysy júrgizilýde, mýnısıpaldy jáne jeke avtokólikterdi gazǵa aýystyrý jumystary júrýde, qoǵamdyq kólik quraldary Eýro-5 avtobýstaryna jańartylýda, jeke sektordy gazdandyrý jáne kóptegen basqa jobalar iske asyrylýda.
Ekologıalyq qaýipsizdik Tujyrymdamasy erejelerin iske asyrý úshin qorshaǵan orta sapasynyń nysanaly kórsetkishteri ázirlenýde. 2017 jyly Almaty qalasynyń ákimimen bul maqsatta 150 mln. teńge kóleminde qarajat bóldi.
Nysanaly kórsetkishter ekologıalyq máselelerdi sheshýde, basymdylyqty ornatýǵa jáne halyqtyń densaýlyǵyna keri áserdi boldyrmaýǵa múmkindik beredi,-deıdi departament basshysy.
Qazgıdromettiń málimeti boıynsha Almatyda atmosferalyq aýanyń lastanýy tómendegen.
Búgin Almaty qalasy Óńirlik komýnıkasıalar qyzmeti alańynda Qazaqstan Respýblıkasy Energetıka mınıstrligi Ekologıalyq retteý jáne baqylaý komıtetiniń Almaty qalasy boıynsha Ekologıa departamentiniń basshysy Aqqozıev Orman Seıilhanulynyń qatysýymen baspasóz konferensıasy ótti.
İs-sharaǵa Almaty qalasy boıynsha Ekologıa departamentiniń memlekettik ekologıalyq baqylaý bóliminiń basshysy - Dúısekov Beıbit Baqýadınuly, Almaty qalasy boıynsha Ekologıa departamentiniń memlekettik ekologıalyq baqylaý bóliminiń bas mamany - Qambetov Talǵat Musauly qatysty.
Almaty qalasy boıynsha Ekologıa departamentiniń basshysy O.Aqqozıevtiń aıtýynsha, Almaty qalasy - respýblıkalyq mańyzy bar Qazaqstandaǵy eń iri megapolısterdiń biri. Atmosferalyq aýanyń lastanýy qaladaǵy eń mańyzdy ekologıalyq máselelerdiń biri bolyp tabylady. Qalanyń tabıǵı jáne klımattyq erekshelikteri, aýmaqtyń tabıǵı tazarýdyń tómen deńgeıi atmosferanyń betki qabatynda lastaýshy zattardyń jınalýyna yqpal etip, tútinniń paıda bolýyna ákelip soǵady.
Jylý elektr stansıalarynan, ónerkásiptik kásiporyndardan, avtokólik quraldarynan jáne jylý úshin qatty otyn paıdalanatyn jeke sektordan shyǵatyn shyǵaryndylar atmosferalyq aýanyń lastaýshy zattarynyń negizgi kózderi bolyp tabylady.
Qalada qorshaǵan ortanyń sapasyn turaqtandyrý úshin Departamentpen qorshaǵan ortany qorǵaýdyń barlyq salalarynda júıeli jumys júrgizilýde.
Osy jasalǵan jumystardyń nátıjesinde, sońǵy jyldary atmosferalyq aýaǵa tehnogendik júktemeniń tómendeýi baıqalýda. Qazgıdromettiń málimetteri boıynsha atmosferalyq aýanyń lastanýynyń ındeksi (ALI) 5-ke deıin tómendegen (2009 jyly – 12.8, 2011 jyly – 9.1, 2016 jyly - 7, 2017 jyly - 5).
Statısıka komıtetiniń málimetteri boıynsha stasıonarlyq kózderden jalpy shyǵaryndylar kólemi 2014 jyly - 43,5 myń. tonnany, 2015 jyly - 39,1 myń. tonnany, 2016 jyly - 38,8 myń. tonnany qurady. Osylaısha, jyl saıyn atmosferaǵa lastaýshy zattar shyǵaryndylarynyń kóleminiń tómendeýi baıqalýda,-dep atap ótti departament basshysy.
