Departamentpen 138 jospardan tys tekserýler ótip, nátıjesinde tabıǵat paıdalanýshylarǵa 79,859 mln. teńge ákimshilik aıyppuldar salyndy.
Bul týraly Almaty qalasy Óńirlik komýnıkasıalar qyzmeti alańynda Almaty qalasy boıynsha Ekologıa departamentiniń basshysy Orman Seıilhanuly aıtty.
Almaty qalasy boıynsha Ekologıa departamentiniń negizgi fýnksıalarynyń biri bolyp jeke jáne zańdy tulǵalardyń qyzmetinde atmosferalyq aýa, sý jáne topyraq qorǵaý salasynda QR ekologıalyq zańnamasynyń saqtaýǵa, sondaı-aq óndiris jáne tutyný qaldyqtaryn esepke alý, joıý jáne zalalsyzdandyrý erejeleri men normalarynyń saqtalýyna memlekettik ekologıalyq baqylaýdy jáne qadaǵalaýdy júzege asyrý bolyp tabylady.
Máselen, 2016-2017 jyldary Departamentpen 114 ishinara jáne 138 jospardan tys tekserýler júrgizildi. Tekserýlerdiń nátıjesi boıynsha tabıǵat paıdalanýshylarǵa 79,859 mln. teńge ákimshilik aıyppuldar salyndy jáne ekonomıkalyq zalal óteý úshin 249,540 mln. teńge narazylyq talaptary usynyldy,-dep atap ótti O.Aqkózıev.
Departamentpen ınspeksıalyq tekserý barysynda kásiporyndar tarapynan qorshaǵan ortaǵa emısıalardyń 13 normadan tys faktileri anyqtaldy, sondaı-aq 45 kásiporyn qorshaǵan ortaǵa emısıalarǵa ruqsatsyz jumys istep, tekseristerdiń qorytyndysy boıynsha zıan keltirgen kásiporyndarǵa ákimshilik aıyppuldar salyndy.
2016-2017 jyldary baqylaý-ınspeksıalyq qyzmetimen sharýashylyq-turmystyq jáne óndiristik-tehnıkalyq qajettilikte jer asty sýlaryn óndiretin jáne paıdalalanatyn kásiporyndar qamtylǵan. Tekseristiń nátıjeleri boıynsha, teńgeriminde jer asty sýlaryn óndirýshi uńǵymasy bar 12 kásiporynnyń tek 3-ýi ǵana «Sinooil» JSHS, «Asfáltobeton-1»JSHS, «Temırbeton-1» JSHS qoldaný merzimi 2014-2018 jyldarǵa arnalǵan arnaıy sý paıdalanýǵa ruqsattary bar bolyp shyqty, al qalǵan 9 kásiporyn: «MAK Almatygorstroı» AQ, «Derjava» JSHS Korporasıasy, TOO «Maslo-del» JSHS fılıaly, «Salavat-BS» JSHS, «Kazferrostal» JSHS, «ÝPTK» AQ, «MVT» JSHS, «ATKE» JSHS, «AVZ» AQ 2014 jyldan beri QR Aýyl sharýashylyǵy mınıstrliginiń Sý resýrstaryn paıdalanýdy retteý jáne qorǵaý jónindegi Balqash-Alakól baseındik ınspeksıasynan arnaıy sý paıdalanýǵa ruqsatyn alǵan joq jáne ruqsatty uzartqan joq.
