Tabıǵat paıdalanýshylardyń arnaıy sý paıdalanýǵa ruqsattyń bolmaýynan 216 452 235 teńge aıyppul salynǵan.

Bul týraly Almaty qalasy ÓKQ  alańynda  Almaty qalasy boıynsha Ekologıa departamentiniń basshysy Orman Aqkozıev habarlady.

 Jerasty sýlaryn zańsyz óndirý tabıǵı resýrstardyń sarqylýyna ákep soqtyryp, qorshaǵan ortaǵa zalalyn tıgizdi jáne Qazaqstan Respýblıkasy Konstıtýsıasynyń 6 babynyń 3 tarmaǵynyń sáıkes jer jáne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar memleket menshiginde bolady negizgi erejeleri buzylǵan. QR Ekologıalyq kodeksiniń 12 babynyń, 1, 2 tarmaqtaryna, QR Sý kodeksiniń 66 babyna, QR «Jer qoınaýy jáne jer qoınaýyn paıdalaný» Zańynyń 35 babyna sáıkes tabıǵı resýrstardy paıdalaný tabıǵatty arnaıy paıdalaný quqyǵy aıasynda ýákiletti organdardyń ruqsatyna sáıkes júzege asyrylady. QR Ekologıalyq kodeksiniń 1 babynyń 42 tarmaqshasyna, 5 babynyń 7 tarmaqshasyna, 321 babynyń 2 tarmaǵyna sáıkes tabıǵı resýrstar tıisti túrde resimdelmegengen ruqsatsyz paıdalaný qorshaǵan ortaǵa zıan keltirý dep tanylady jáne ol mindetti túrde ótelýi qajet.

Joǵaryda atalǵan tabıǵat paıdalanýshylardy tekserýdiń nátıjesi boıynsha arnaıy sý paıdalanýǵa ruqsattyń bolmaýyna baılanysty, jalpy somasy 216 452 235 teńgeni quraıtyn ákimshilik jaza qoldaný týraly qaýly shyǵaryldy jáne qorshaǵan ortaǵa keltirgen zalaldy óteý jóninde shaǵymdar usynyldy.

Qazirgi tańda azamattyq óndirister boıynsha 2016-2017 jyldardaǵy sot prosesteri tolyǵymen aıaqtalǵan, - deıdi ol.