Jastar arasyndaǵy startap-jobalarǵa kómek kórsetý maqsatynda «Zhastar Innovation» jobasy iske qosyldy.
Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Almaty qalasy Jastar saıasaty máseleleri jónindegi basqarmasynyń basshysy Shyńǵys Jumaǵalıuly aıtty.
Shyńǵys Jumaǵalıulynyń aqparaty boıynsha, «Zhastar Innovation» barlyǵyna tanymal brendke aınaldy, eń bastysy jas ǵalymdar men óner tapqyshtardyń óz týyndylaryn kórsetip, ary qaraı damytatyn, jańa oılarymen bólisip, sol jobalaryna ınvestorlar taba alatyn ashyq alańyna aınaldy.
Osy joba aıasynda: 3 startap kórme, bıznes-trenerlermen kásipkerlik baǵytynda 8 semınar-trenıng, jobanyń negizgi jumystarynyń biri bolǵan, tanymal kásipkerlerdiń qatysýymen ótken, 3 modýldyq oqý júıesi bar 5 kezdesý jáne taǵy da kóptegen qyzyqty ári paıdaly sharalar ótkizildi. Sharaǵa barlyǵy 100 joba qatysty jáne de jeńimpazdar 10 nomınasıa boıynsha aqshalaı marappattaldy. Jobanyń negizgi qatysýshylar sany 5000-nan, al qosymsha qatysýshylar sany 200 000-nan asty.
Jastardy salaýatty ómir saltyn ustanýǵa jáne de azamattyq mádenıetke tárbıeleý maqsatynda 2017 jyly mádenı damýǵa úles qosatyn, sporttyq sharalar ótkizildi – «Almaty q. Eriktiler korpýsy», KVN oıyndary, «Jaıdarman», «Kózqaras» jas ekspertter dıskýss klýby, «Meniń elim» debat oıyndary, Respýblıkalyq Delfıı oıyndary, jalpyqalalyq velojarystar. Sonymen qatar, jas otbasyn qalyptastyrý, ata-analyq jaýapkershilikti arttyrý, otbasy qundylyqtaryn ósirýge propaganda jasaıtyn «Jas otbasy» jobasy iske qosyldy,-dep atap ótti basqarma basshysy Shyńǵys Jumaǵalıuly.
«Almaty jastary» jobasy aıasynda 100 jas otbasy jańa qonys ıesi atandy.
Onyń sózinshe, stýdenttik jataqhana men jas otbasylarǵa qoljetimdi baspana usynýdaǵy máselelerdi sheshý jolynda, Jol kartasy qujaty aıasynda, Almaty qalasynyń stýdentterine, 2020 jylǵa deıin 20 jańa jataqhana salý josparlandy. JOO-daryna arnalǵan 20 jańa jataqhananyń, 5-eýi (2 500 oryn) aǵymdaǵy jyldyń aıaǵyna deıin qurylys jumystaryn aıaqtaıtyn bolady.
Jol kartasy barysynda, «Almaty jastary» jeńildetilgen baspanamen qamtý jobasy boıynsha «Jılstroısberbank» arqyly nesıemen baspana alýdyń alǵashqy qadamdary jasaldy. Jergilikti búdjetten arnaıy joba úshin bir mıllıard teńge kóleminde qarjy bólindi.
«Almaty jastary» jobasynyń taǵy bir artyqshylyǵy qatysýshylardyń jas mólsherin 35 jasqa deıin ulǵaıtylǵandyǵynda. Halyqtyń áleýmettik osal bóligine – kópbalaly otbasy, 1-shi jáne 2-shi toptaǵy múgedekter, tolyq emes otbasy jáne jetimderge biraz jeńildik sharalary qarastyrylǵan. Tómen paıyzdyq mólsherleme – 10 mln. teńgege deıingi nesıeler, jylyna 5% ósimmen beriletin bolady. Jyl aıaǵynda «Almaty jastary» jobasy boıynsha 100 jas otbasy jańa qonys ıesi atanady,-dep aıtyp ótti ol óz sózinde.
Sonymen qatar, AQ «NK «SPK «Almaty» arqyly jastarǵa (stýdentter, 35 jasqa deıingi jas otbasylar j.t.b) arnalyp jataqhanalar salý jobasy qarastyrylýda. Qazirgi tańda Almaty energetıkalyq jáne baılanys ýnıversıtetimen, Abaı atyndaǵy Qazaq Ulttyq pedagogıkalyq ýnıversıtetimen, Almaty Menedjment ýnıversıtetimen jáne de
S.D. Asfendıarov atyndaǵy Qazaq Ulttyq medısınalyq ýnıversıtetimen memorandýmǵa qol qoıyldy,-dep baıandady basqarma basshysy Shyńǵys Jumaǵalıuly.
Almaty qalasynyń 45 % paıyzyn jastar quraıdy.
Basqarma basshysy Shyńǵys Jumaǵalıulynyń aıtýynsha, Almaty jastar qalasy bolyp sanalady. Qalanyń árbir ekinshi turǵyny jastar qataryna jatady. 14 pen 35 jas aralyǵynda 800 myńǵa jýyq jastar ómir súredi jáne ol qalanyń barlyq turǵynynyń 45,2% paıyzyn quraıdy.
Jastar saıasaty salasyndaǵy negizgi mindetterdi sheshý úshin, Elbasy Nursultan Ábishuly Nazarbaevtyń tapsyrmasy boıynsha, 2017 jyl Almaty qalasynda Jastar jyly bolyp jarıalandy, - dep baıandady basqarma basshysy.
Jastar jyly, sonymen qatar «Bolashaqqa baǵdar: rýhanı jańǵyrý» atty memleket basshysynyń jobasy aıasynda «2020 jylǵa deıin jastardy qoldaý jol kartasy» jobasy jasaldy. Atalmysh qujat quramynda qala úshin teńdessiz sharalar qarastyrylǵan. Jol kartasy jastar men qoǵam arasynda keń aýqymdy talqyǵa túsip (50-den astam kezdesýler ótkizildi), Qoǵamdyq Keńes pen qalalyq Maslıhatpen maquldandy.
Jol kartasynyń eń basty maqsaty – jastardyń ózindik damýy men jan-jaqty damýyna jaǵdaı jasaý, megapolıs talabyna saı ómir súrýge úıretý, jastar arasynda salaýatty ómir saltyn saqtaýdy damytý bolyp tabylady.
