Ótken jyly Almaty qalasynda shyǵarmashyl jastar úshin Delfıı oıyndary uıymdastyryldy.

Bul týraly Almaty qalasy Óńirlik komýnıkasıalar qyzmetiniń alańynda Almaty qalasy Jastar saıasaty máseleleri jónindegi basqarmasynyń basshysy Shyńǵys Jumaǵalıuly aıtty.

Onyń aıtýynsha,  jastardy ónerge jáne úlken azamattyq mádenıetke baýlý  úshin qalamyzda birinshi ret Shyǵarmashyl jastar úshin Delfıı oıyndary uıymdastyryldy.  

2017 jyldyń mamyr aıynyń 20-shy juldyzynda  «Alataý» dástýrli óner teatrynda qalalyq Delfıı oıyndarynyń ashylý saltanaty ótti. Stýdentter arasyndaǵy ártúrli óner saıystary (konkýrstar men festıváldar) jáne de kórmeler men prezentasıalar sekildi bólimderden turdy. Jastar Kongresi jáne de stýdentter Alánsy uıymdastyrǵan saıysta barlyǵy 300-den astam jas óner ıeleri baqtaryn synady,-dep atap ótti ol.

Óner oıyndary eki jastyq kategorıa boıynsha júrgizildi: 10-15 jas aralyǵynda kishi top, 16-21 jas aralyǵynda – úlken top. Saıysqa qatysýshylar 17 nomınasıa boıynsha báıgege tústi. Atap aıtsaq: aspapta oryndaýshylyq, estrada jáne akademıalyq án aıtý, teatr, fotografıa, sýret óneri, telejýrnalıstıka jáne taǵy da basqa.

Óner saıysy ótkizýdegi basty maqsat – jas talanttardy tabý men kómek berý, sondaı-aq, shyǵarmashylyq ósýi men ashylýyna jaǵdaı jasaý bolyp tabylady.  

Jeńimpazdar men júldeli oryndarǵa ıe bolǵan saıysqa qatysýshylardy arnaıy dıplomdarmen jáne de syılyqtarmen marappattady. Sonymen qatar, jeńimpazdar Respýblıkalyq dárejedegi XIII Ulttyq jastar Delfıı oıyndaryna qatysýǵa joldama aldy,-dep aıtyp ótti Shyńǵys Jumaǵalıuly óz sózinde.