Memlekettik jastar saıasatyn damytý qorynyń uıymdastyrýymen XIII Spartakıada ótkizildi.

Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Almaty qalasy Jastar saıasaty máseleleri jónindegi basqarmasynyń basshysy Shyńǵys Jumaǵalıuly aıtty.

 Shyńǵys Jumaǵalıulynyń málimeti boıynsha, jastardyń jazǵy maýsymdaǵy bos ýaqyttaryn tıimdi paıdalaný jumystaryn júrgizý kezinde, Halyqaralyq balalardy qorǵaý kúnine oraı, Memlekettik jastar saıasatyn damytý qorynyń uıymdastyrýymen, barlyq úıirmeler men seksıalarǵa qatysýshy jastar men jasóspirimder arasynda XIII Spartakıada ótkizildi. Spartakıadany ótkizýdegi basty maqsattardyń biri jastar arasynda salaýatty ómir saltyn ustanýdy qalyptastyrý.

Saltanatty rásimdi ótkizý barysynda Spartakıada uıymdastyrýshylary tarapynan qaıyrymdylyq aksıa ótkizilip, ol aksıa boıynsha múmkindigi shekteýli jastarǵa jáne muqtaj balalarǵa arbalar syılandy. Shara sońy jas talantty ónerpazdardyń merekelik konsertine ulasty.

Spartakıadanyń birinshi kúninde shaǵyn fýtboldan jarys uıymdastyrylyp, oǵan 14-18 jas aralyǵyndaǵy jasóspirimderden quralǵan 40 komanda qatysty,-dep atap ótti ol.

Spartakıada fýtbol, volleıbol, toǵyzqumalaq, ústel tenısi, jáne strıtbol sekildi oıyndar boıynsha ótkizildi. Saıysqa Almaty qalasynyń 200 aýla klýbtarynan, 1300-deı jastar men jasóspirimder qatysty.

Osy shara barysynda, jastardy jumyspen qamtý maqsatynda, Facebook, Instagram, Twitter, Vkontakte sekildi áleýmettik jelilerde «Zhastar online»  atty arnaıy aqparattyq joba jasaldy. Jáne de bul jobanyń taǵy bir artyqshylyǵy, tek qana bos jumys oryndaryn aıtyp qoımaı, jumystar jaıynda aqparat berip, sonymen qatar, dinı ekstremısttik jáne terorısttik búldirý jumystarynyń aldyn alý joldary men qalaı kúresý joldaryn túsindiredi, - dep baıandamasyn túıindedi basqarma basshysy Shyńǵys Jumaǵalıuly.