Astanada «Asharshylyq» monýmentindegi qoladan jasalǵan balany urlap ketti, dep habarlaıdy Qamshy.kz aqparat agenttigi Astana qalalyq İİD-niń baspasóz qyzmetine silteme jasap.

Polıseıler kúdiktini ustady. Ol qoladan jasalǵan balanyń músinin metal qabyldaıtyn orynǵa ótkizbek bolǵan jerinen ustaldy.

«1932-1933 jyldary bolǵan asharshylyq qurbandaryna arnalǵan monýmenttegi balany urlaǵan kúdikti İİD-niń ýaqytsha ustaý ızolátoryna jetkizildi. Qazir QR QK 188 baby boıynsha sotqa deıingi tekserý jumystary júrgizilip jatyr» delingen habarlamady.

İİD málimetine sáıkes, qoladan jasalǵan balanyń músini birneshe bólikke bólingen. Ol buǵan deıin de urlanǵan. Ol ýaqytta músindi taba almaǵan.

2018 jyldyń qańtarynda monýment avtory Valerıı Pırojkov músindi qaıta jasap, ony urlanǵan balanyń ornyna qoıǵan.