Almatylyq tutynýshylarǵa mobıldik qosymshany engizý kózdelip otyr.
Bul týraly Almaty qalasynyń Óńirlik komýnıkasıalar qyzmetinde ótken brıfıń barysynda Qazaqstan Respýblıkasy Investısıalar mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Qapaev Saýyqbek málimdedi.
Saýyqbek Áripulynyń aqparatynsha, tehnıkalyq retteý júıesin jetildirýdiń naqty baǵyttarynyń biri - tehnıkalyq retteý júıesiniń prosesterin avtomattandyrý jáne sıfrlaý.
Tehnıkalyq retteý jáne metrologıa salasyndaǵy qoldanystaǵy aqparattyq quraldardyń mártebesin Memleket basshysynyń «Sandyq Qazaqstan» memlekettik baǵdarlamasy aıasynda saıasatyn iske asyrý.
Jedel ózgeristerge baılanysty belgilengen tapsyrmalardy oryndaý úshin qoldanystaǵy derekqorlardy tehnıkalyq retteý júıesiniń negizgi bloktary bir alańǵa biriktiretin Biryńǵaı elektrondyq júıe E-KTRM sandyq túrde kóshirý qajet:
- Tehnıkalyq retteý
- Standarttaý
- Metrologıa
- Sáıkestikti rastaý jáne akredıtteý
E-KTRM sıfrly platformasy júıeniń progresıvti damýyn qamtamasyz etedi jáne tehnıkalyq retteý obektileri týraly aqparatty qamtıdy, - dep aıtyp ótti ol óz sózinde.
Ónimniń qaýipsizdigi sýbektilerdi tehnıkalyq retteý jáne memlekettik baqylaý obektileri monıtorıńimen qamtamasyz etiledi. E-KTRM ártúrli tizilimder derekterin salystyrý arqyly obektilerdi úzdiksiz baqylaý úshin qajetti ekenin atap ótken jón. Bul ónimdi óndirýden bastap qoldanysqa deıin qadaǵalaýdy qamtamasyz etedi. Qaıtarylǵan jáne joıylǵan ónimder, sonymen qatar taldaý júrgizý boıynsha aqparat E-KTRM saıtynda ornalastyrylatyn bolady.
Tutynýshylarǵa arnalǵan yńǵaılylyqty jasaý úshin mobıldik qosymshany engizý kózdelip otyr, oǵan sáıkes ónimdi anyqtaý múmkin bolady. «Prosesterdi sıfrlandyrý jáne avtomattandyrý» sheńberinde Aqparattyq júıeni ázirleý josparlanyp otyr.
Bul júıeniń basty artyqshylyǵy - barlyq qatysýshylardy proseske biryńǵaı platformaǵa ıntegrasıalaý, memlekettik baqylaýdaǵy derekter bazasyn qoldaný jáne tekserý belgilerin onlaın rejımde rásimdeý, avtomattandyrylǵan óńdeý (ótinish berýshiniń jeke kabıneti arqyly), QR-kodty oqý arqyly onlaın-sertıfıkattardy jáne aýtentıfıkasıany qalyptastyrý, tolyq aqparattyq qoldaý Call – ortalyǵy arqyly. Jańa júıe bıznes úshin de, memleket úshin de yńǵaıly bolady, - dep habarlady Saýyqbek Áripuly óz sózinde.
