Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony 5 mamyr kúni amerıkalyq Vanes Martırosánmen (36-3-1, 21 KO) ótetin kezdesýinen keıingi josparymen bólisti, dep habarlaıdy vesti.kz. 

Golovkın men Martırosán arasyndaǵy kezdesý Karson qalashyǵynda (Kalıfornıa shtaty, AQSH) StubHub Center sport kesheninde ótedi. Negizi áý basta otandasymyz Saýl "Kanelo" Alvarespen (49-1-2, 34 KO) kezdesýi kerek edi. Biraq jekpe-jekke eki aı qalǵanda meksıkalyq boksshysy dopıngpen ustal qaldy. Sodan soń jekpe-jek ótpeıtin boldy. Endi Alvarestiń jaza merzimi 17 tamyzda aıaqtalady. Al ol kelesi kezdesýin qyrkúıek aıynda ótkizýgı nıetti. 

Golovkınniń aıtýynsha, Alvarespen qyrkúıek aıynda jekpe-jek ótkizý, onyń basty maqsaty eken. Sondaı-aq mundaı kezdesýler barlyq boksshylarǵa tıimdi. 

"Kaneloǵa" qarsy kezdesý - boksshylar úshin de, uıymdastyrýshylar úshin de úlken tabys túsiretin jekpe-jek. Eger kelisimge kelse, men qyrkúıek aıynda jekpe-jek ótkizýge daıynmyn. 

"Kanelomen" kezdesý - basty maqsatym. Qyrkúıek aıynda onymen jekpe-jek ótkizý úshin barlyǵyn jasaımyn. Djermall Charlo jáne Bıllı Djo Sondres sekildi myqty boksshylardyń da bar ekenin bilemin. Biraq men qazir 5 mamyr kúni ótetin kezdesýge tyńǵylyqty daıyndalyp jatyrmyn. Solan soń Alvarespen kezdesý týraly sóılesemiz. Barlyq jankúıerler bul kezdesýdi asyǵa kútip otyr. Al men oǵan daıynmyn", - dep keltiredi Golovkınniń sózin Boxingscene.com portaly.