Kókshetaý qalasy «Dostar» mádenıet saraıynda «Aqan seriniń án besigi» atty litrary evening uıymdastyrady, dep habarlaıdy İshki saıasat basqarmasy.

Shara HİH ǵasyrdyń ekinshi jartysynda ómir súrgen qazaqtyń ánshi-aqyndar tobynyń kórnekti ókilderiniń biri Aqan seri Qoramsaulynyń shyǵarmashylyǵyna arnalǵan ǵylymı konferensıa jáne ádebı-mýzykalyq kesh retinde eki kezeńnen turady.

Al, kompozıtor, jazýshy, pýblısıs, mýzyka tanýshy, Qazaqstan men Qyrǵyzstannyń eńbek sińirgen mádenıet qaıratkeri İlıa Jaqanov, fılologıa ǵylym doktory, profesor Serik Negımov, Qazaqstan Respýblıkasynyń Halyq ártisi, Memlekettik syılyǵynyń laýreaty, profesor, Qazaq ulttyq ýnıversıteti Dástúrli án kafedrasynyń meńgerýshisi                         Qaırat Baıbosynov, jazýshy-jýrnalıst, QR Jazýshylar odaǵynyń múshesi, Qazaqstanǵa eńbek sińirgen mádenıet qyzmetkeri, Kókshetaý qalasynyń Qurmetti azamaty, qoǵam qaıratkeri Tólegen Qajybaı, jazýshy-dramatýrg, M.Áýezov atyndaǵy óner ınstıtýtynyń ǵylymı qyzmetkeri Erbolat Baıatuly, «Rýhanı jańǵyrý» jobalyq keńsesiniń jetekshisi Erkin Isımbaev bul ǵylymı konferensıanyń spıkerleri boldy.

Atalǵan is-sharanyń maqsaty – halqynyń aspaptyq, vokaldyq mýzykasyn saqtaý jáne nasıhattaý, shyǵarmashylyq baılanys pen áriptestikti nyǵaıtý, Aqan seri tulǵasynyń tarıhı ári mádenı mańyzyn nasıhattaý. Al, negizgi taqyryby - shyǵarmalary qazaq halqynyń máńgilik mýzykalyq qoryna engen uly sýyryp salma aqynnyń mýzykalyq murasyn keńinen tanytý.

Mádenı sharada halyqtyń mýzykalyq qazynasynda ózine laıyqty oryn alǵan Aqan seriniń bıik shyńdaǵy týyndylary: «Qulager», «Mańmańger», «Maqpal», «Balqadısha», «Kókjendet», «Syrymbet» jáne taǵy basqa óleńderi oryndaldy.

Sondaı-aq, búgingi tańda mýzyka, óner salasyn zertteýshiler onyń shyǵarmashylyǵyn zertteı kele jańa qyrlaryn ashyp, úzdik qazaq mýzykalyq dástúrlerin jańa qyrynan nasıhattap keledi. Barlyq oryndaýlar – oblys turǵyndaryna arnalǵan keremet, áýezdi mýzykalyq tartý boldy.

Mádenı shara qalalyq zıaly qaýym ókilderinyń, Qazaqstan Respýblıkasy mádenıet qaıratkerleriniń, fılolog-oqytýshylardyń, jaqyn jáne alys shetel shyǵarmashylyq zıaly qaýymynyń, Qazaqstan mádenıeti tarıhy zertteýshileriniń, joǵary jáne arnaıy orta bilim mekemeleri stýdentteriniń jáne BAQ ókilderiniń qatysýmen ótti.

İs-sharanyń medıa-tapsyrmasy qazaq mýzykalyq fólkloryn dáripteý, ulttyq mádenıet dástúrin saqtaý boldy.