Taraz qalasy ákimi apparatynyń AHAT bólimshesi jáne ákimdik bólimderimen memlekettik qyzmetterdiń 72 túri (memlekettik kórsetiletin qyzmetter tizilimine sáıkes, 38 - qaǵaz jáne elektrondy túrde, 34 – qaǵaz túrinde) kórsetiledi. Sonyń ishinde:
- AHAT bólimshesi – 10
- Sáýlet jáne qala qurylysy bólimi– 4
- Turǵyn jaı-kommýnaldyq sharýashylyq, jolaýshy kóligi jáne avtomobıl joldary bólimi – 6
- Dene shynyqtyrý jáne sport bólimi – 1
- Jer qatynastary bólimi – 5
- Veterınarıa bólimi – 4, onyń ishinde, 2-i Taraz qalasy ákimdiginiń veterınarlyq qyzmetinde
- Jumyspen qamtý jáne áleýmettik baǵdarlamalar bólimi – 17, onyń ishinde, 3-i Halyqty jumyspen qamtý ortalyǵynda
- Bilim bólimi – 25
Taraz qalasynda 2018 jyldyń İ toqsan qorytyndysy boıynsha 30715, (2017j. jalpy sany – 183567) memlekettik qyzmet kórsetildi.
- qaǵaz túrinde - 10331;
- memlekettik korporasıa arqyly - 11147;
- elektrondy túrde - 9237
Búgingi tańda ákimdik bólimderi «E-ákimdik» (bilim, jumyspen qamtý jáne áleýmettik baǵdarlamalar, turǵyn jaı-kommýnaldyq sharýashylyq, jolaýshy kóligi jáne avtomobıl joldary bólimderi), «E-lısenzıalaý» (turǵyn úı-kommýnaldyq sharýashylyǵy, avtomobıl joldary jáne jolaýshylar kóligi, veterınarıa, sáýlet,jáne qala qurylysy, jer qatynastary bólimderi), Halyqqa qyzmet kórsetý ortalyǵy Yqpaldastyrylǵan aqparattyq júıeleri arqyly tutynýshylarǵa qyzmet kórsetedi jáne kórsetilgen memlekettik qyzmetter boıynsha kúndelikti monıtorıń jasalyp otyrady.
Taraz qalasynda memlekettik kórsetiletin qyzmetterdi alýshylardyń memlekettik qyzmet kórsetý tártibi týraly habardar bolýyn qamtamasyz etýdiń 2018 jylǵa arnalǵan is-sharalar jospary bekitilgen. Josparǵa sáıkes bólimdermen kórsetiletin memlekettik qyzmetterdiń sapasyn jaqsartý men «Elektrondyq úkimet» veb-portaly (www.egov.kz) arqyly kórsetilý úlesin arttyrý maqsatynda qalalyq buqaralyq aqparat quraldarynda maqalalar jarıalanyp, qala ákiminiń «taraz-gov.kz» resmı saıtyna, áleýmettik jelilerde vıdeo–rolıkter men aqparattar ornalastyrylyp, semınar-keńester, dóńgelek ústelder uıymdastyrylady. Sondaı-aq, Taraz qalasy ákimdigi bólimderimen (AHAT, Jumyspen qamtý jáne áleýmettik baǵdarlamalar, bilim, TJKSH, JK jáne AJ, sáýlet jáne qala qurylysy, jer qatynastary) jáne ákim apparaty bólimshesimen (AHAT) memlekettik kórsetiletin qyzmetter týraly shaǵyn beınerolıkter ázirlenip, «Azamattarǵa arnalǵan úkimet» Memlekettik korporasıasy» komersıalyq emes aksıonerlik qoǵamynyń Jambyl oblysy boıynsha fılıaly halyqqa qyzmet kórsetý ortalyǵy» Departamentiniń Taraz qalasy bólimderiniń operasıalyq zaldarynda jáne Taraz qalasy ákiminiń taraz-gov.kz resmı ınternet-resýrsynda ornalastyryldy.
Elektrondyq memlekettik qyzmetterdi memlekettik korporasıa jáne «elektrondyq úkimet» veb-portaly arqyly alýdy halyqqa tanymal etý maqsatynda buqaralyq aqparat quraldarynda maqalalar jarıalanyp turady, memlekettik qyzmet kórsetetin bólimderde ózine-ózi qyzmet kórsetý buryshtary ashyldy. Sonymen qatar birneshe qyzmet boıynsha vıdeo-rolıkter qala ákiminiń saıtyna jáne halyqqa qyzmet kórsetý ortalyqtarynda ornalastyryldy. Elektrondyq qyzmetterdi nasıhattaý jáne olardyń sapasyn arttyrý, jemqorlyq baılanystaryn azaıtý maqsatynda, aqpan aıynda M.Maqataev atyndaǵy №14 orta mektepte birlesken «Ashyq memleket» memlekettik kórsetiletin qyzmetter jármeńkesi uıymdastyrylyp, jármeńke barysynda azamattarǵa memlekettik qyzmetterdi kórsetýdiń suranysqa ıe salalary boıynsha (jer qatynastary, turǵyn úı-kommýnaldyq sharýashylyǵy, sáýlet jáne qala qurylysy, bilim berý, jumyspen qamtý, AHAT, veterınarıa, halyqty jumyspen qamtý ortalyǵy) qajetti konsýltatıvtik-ádistemelik kómek kórsetildi. Atalǵan is-shara sheńberinde onlaın qyzmetterdi kórsetý múmkindikterin keńeıtý, onyń ishinde «elektrondyq úkimet» portaly arqyly memlekettik qyzmetterdi alý boıynsha keń aýqymdy jumys júrgizildi.
Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamenti, «Azamattarǵa arnalǵan úkimet» memlekettik korporasıasy» KE AQ Jambyl oblysy boıynsha fılıaly – «Halyqqa qyzmet kórsetý ortalyǵy» departamenti jáne qala ákimdiginiń uıymdastyrýymen 2018 jyldyń 28 naýryzy kúni Dostyq úıinde «Óz betińshe qyzmet al» aksıasy ótkizildi.
Memlekettik kórsetiletin qyzmetter boıynsha tolyq aqparat Taraz qalasy ákiminiń «taraz-gov.kz» resmı saıtynda «Memlekettik qyzmetter» paraqshasynda ornalastyrylǵan.
Qala ákiminiń 2017 jylǵy 14 jeltoqsandaǵy №422-ó ókimimen bekitilgen Memlekettik kórsetiletin qyzmetter sapasyna ishki baqylaý júrgizýdiń 2018 jylǵa arnalǵan josparyna sáıkes tıisti bólimderde baqylaý is-sharalary júrgizildi.
