Taraz qalasy ákimdiginiń aýyl sharýashylyǵy bólimi jáne «Respýblıkalyq fıtosanıtarlyq dıagnostıka jáne ádistemelik boljamdaý ortalyǵynyń» oblystyq fılıalynyń mamandary qaladaǵy tal-daraqtarǵa tekserý jumystaryn júrgizip, nátıjesinde, tal-daraqtarda birneshe zıankester túriniń qonystanýy anyqtaldy. Atap aıtqanda, qaraǵash japyraq jemiri qońyzdary, qaraǵash aıaqquıryq kóbeleginiń qýyrshaqtary, symqurt, jalǵan symqurttar jáne terek japyraq jegishi qońyzdary. Búgingi kúnge qala aýmaǵy boıynsha jalpy 60 ga jerge hımıalyq óńdeý jumystary júrgizilý qajettigi anyqtalyp otyr. Birinshi kezekte qaladaǵy ortalyq kóshelermen park skverler qamtylady. Bul jumystarǵa qala búdjetinen 6,0 mln. teńge qarastyrylǵan. Elektrondy konkýrs oınatylyp, qaladaǵy tal-daraqtaryna hımıalyq óńdeý jumystary júrgiziledi.

 Óńdeý jumystary eki kezeńnen turady. Birinshi kezeńi – qaraǵash japyraq jemiri zıankesiniń balańqurttary týylyp shyǵýy kezinde, ıaǵnı, mamyr aıynda júrgizilse, óńdeý jumystarynyń ekinshi kezeńi – balańqurttardyń 2-shi urpaǵynyń shyǵýyna baılanysty shilde aıynyń 1-shi onkúndiginde. Qazirgi ýaqytta qala turǵyndaryn alańdatyp otyrǵan qaraǵash japyraq jemiri zıankesine keler bolsaq, qystap shyqqan qońyzy tal-daraqtarynyń japyraqtaryna asa zıan keltirmeıdi, shaǵylysyp, jumyrtqalap, sol jumyrtqadan shyqqan balańqurttary japyraqqa zıan keltiretin zıankes retinde belgili. Sondyqtan, balańqurttardyń týylýyna baılanysty hımıalyq óńdeý jumystary júrgiziledi.

Qaraǵash japyraq jemiri zıankesine qarsy hımıalyq óńdeý jumystary Qazaqstan Respýblıkasynda ruqsat etilgen tıimdiligi óte joǵary (85-92 paıyz) Karate-050 preparatymen OPV- 12OO búrikkish (dárilegish) tehnıka arqyly júrgiziledi.

Hımıalyq óńdeý jumystary tańǵy saǵat 3.30-7.00 aralyǵynda, ıaǵnı kóshede jaıaý júrginshilerdiń jáne avtokólikterdiń az júrýi kezinde iske asyrylady.

Taraz qalasy ákimdiginiń aýylsharýashylyǵy bóliminiń basshysy A.Tleýbaev