2010 jylǵy 22-shi aqpandaǵy Qazaqstan Respýblıkasy Úkimetiniń №104 qaýlysymen Taraz qalasynyń 2010-2025 jyldyrǵa damýynyń bas jospary bekitilgen bolatyn. Jańa bas jospar bekitilgennen keıin Taraz qalasynyń aýmaǵyna qosymsha 5954 gektar jer telimi qosyldy. Bekitilgen Bas jospar boıynsha Taraz qalasynyń aýmaǵy 18787 ga quraıdy.
2011-2017 jyldary bas jospar negizinde Asqarov kóshesiniń sońyndaǵy 312 gektar turǵyn aýdany, 250 gektarlyq «Kóltoǵan» turǵyn aýdany, 369 gektarlyq «Qumshaǵal» jáne «Shalǵaı Qarasý» turǵyn aýdany, «Araı» alqabyndaǵy 35 gektar, Qarasaı alqabyndaǵy 126,6 gektar, Hamýkat alqabyndaǵy 125 gektar, Avtobeket mańyndaǵy 539 ga, Súleımenov kóshesiniń sońyndaǵy 362,2 gektar, Araı alqabyndaǵy 14 gektar, Avtobeket mańyndaǵy 100 ga aýmaqqa, "Kazarma" 315 ga turǵyn alqabyna egjeı-tegjeıli josparlaý jobalary daıyndaldy. Jambyl oblysy ákimdiginiń 2013 jylǵy 30 mamyrdaǵy "Jambyl oblysy eldi mekenderiniń bas josparyn ázirleý jáne sáýlettik kelbetin jaqsartý týraly" №135 qaýlysyna sáıkes Abaı, Jambyl, Tóle bı dańǵyldarynyń jáne Talas ózeniniń boıyna josparlaý jobalaryn daıyndaý tapsyrylǵan bolatyn. Qala aýmaǵynan bas jospardy júzege asyrý boıynsha daıyndalatyn qala qurylysy jobalaryna Jambyl oblysy ákiminiń 13.01.2016 jylǵy №11-ó ókimimen bekitilgen «Jambyl oblysyn damytýdyń 2016-2020 jyldarǵa arnalǵan baǵdarlamasyn iske asyrý jónindegi is-sharalar jospary» boıynsha 2017 jylǵa 311 mln. tenge kólemindegi qarjy qarastyrylyp, búgingi kúnge qala aýmaǵyndaǵy daıyndalatyn qala qurylysy jobalarynyń qurmynda Tóle bı, Abaı, Jambyl dańǵyldary jáne Komratov, Súleımenov, Pýshkın kósheleriniń josparlaý jobalaryn daıyndaý jumystary júrgizilýde. Daıyndalyp jatqan jobalarda qalamyzdyń negizgi magıstraldy kósheleriniń sáýlettik kelbeti, kóshe boıyndaǵy qurlystardyń ornalasý tártibi, qurylystardyń nysanaly maqsaty, qurylysty retteý "qyzyl syzyqtary" naqtylanyp, qasbetteriniń árleý sheshimderi kórsetiletin bolady. Sonymen qatar atalǵan kóshelerdiń qaıta qurý aýmaǵyna kiretin jerlerdegi bolashaqta salynatyn qurylystardyń túri men kólemi anyqtalyp, atalǵan aýmaqtaǵy buzylýǵa jatatyn nysandar naqty belgilenedi. Sondaı-aq osy kóshelerdiń boıynda demalys aýmaqtaryn ornalastyrý, saıajaılar men skverlerdi qaıta jańǵyrtý, kóshe boıyndaǵy sáýlettik-kórkemdik nysandardy ornatý boıynsha jobalyq usynystar daıyndalýda. Qala qurylysyn jobalaý salasyndaǵy kelesi máseleler bul qalamyzdyń negizgi kósheleriniń sáýlettik kelbetin jaqsartý jáne qala aýmaǵynda júrgiziletin qurylystardy retteý. Sonymen qatar Taraz qalasynyń bas josparyn júzege asyrý barysynda birshama ózgerister engizilgeni belgili. Qala aýmaqtarynyń sáýlettik kelbetin jaqsartý boıynsha daıyndalyp jatqan taǵy bir negizgi joba bul ortalyqtaǵy tarıhı-mádenı aýmaqty qaıta qurý jobasy. Qala ortalyǵyndaǵy tarıhı-mádenı aýmaqty qaıta qurýdyń bas josparda kórsetilgen konsepsıasy júzege asyrylýy qıyn joba ekendigin ýaqyt kórsetip otyr. Óıtkeni bas jospar boıynsha belgilengen jobalyq sheshim kóptegen aýmaqtardy tolyǵymen buzý arqyly júzege asyrylatyndyqtan, ekonomıkalyq turǵydan óte tıimsiz jáne Taraz qalasynyń qalyptasý tarıhyna tolyq sáıkes kelmeıdi. Sol sebepti búgingi kúnge ortalyq aýmaqty tarıhı qalyptasqan kósheler júıesin eskere otyryp, tıimdi etip qaıta jobalaý jumystary júrgizilýde. Bul jobanyń maqsaty sońǵy jınalǵan tarıhı-arheologıalyq málimetterdi paıdalana otyryp tarıhı ortalyqtyń kelbetin jaqsartýdyń tıimdi jobasyn jasaý.
Taraz qalasy ákimdiginiń sáýlet jáne qala qurylysy bólimi basshysynyń mindetin atqarýshy A.Moldabaev
