Bıylǵy Ramazan aıynda beriletin pitir sadaqa mólsheri anyqtaldy, dep habarlaıdy Qamshy.kz aqparat agenttigi Sputnik Qazaqstan saıtyna silteme jasap. 

Tóralqa májilisi músheleriniń biraýyzdan qabyldanǵan sheshimimen bıylǵy pitir sadaqa mólsheri — 300 teńge bolyp bekitildi. Aıta keteıik, byltyr da pitir sadaqa osy mólsherde bolǵan edi. 

Pitirsadaqanyń mólsheri ár oblystaǵy bıdaıdyń baǵasy eskerilip, ortaq mólshermen bekitiledi.

Pitir sadaqany qurmanyń, meıizdiń, arpanyń qunymen de berýge bolady.

Eger pitir sadaqany bıdaımen bereten bolsańyz, ár adam úshin jarty saǵ. Al jarty saǵ 1 keli 625 gramǵa teń. Aqshamen eseptegende (ár aımaqtyń bıdaı baǵasyna qaraı) 1 keli 625 gramnyń qunyn berý kerek. Qurma, meıiz, arpadan da bir saǵtyń (3,25 kg) qunyn berý qajet.

Pitir sadaqany Ramazan aıynyń birinshi kúninen oraza aıt namazyna deıin berýge bolady.

QMDB bekitken 2018 jylǵy dinı kúnder kúntizbesine súıensek, osy jyly Ramazan aıy mamyrdyń on altysyna sáıkes kelip tur. Al 14 maýsymda Orazanyń sońǵy kúni. Maýsymnyń 9-nan 10-na qaraǵan túni — Qadir túni.

Oraza aıt 15 maýsymda, al Qurban aıt 21 tamyzda bastalady.